15:05, 31 - شىلدە 2018 | GMT +5
قاراقۇلجا جايلاۋىندا ايۋلار ءبىر قورا قويدى جايراتىپ كەتتى
بىشكەك. قازاقپارات - وش وبلىسىن اۋما قاراقۇلجا اۋدانىندا ايۋلار 67 قويدى جايراتىپ سالعان. بۇل تۋرالى اۋداندىق جايىلىم كوميتەتى ءمالىم ەتتى، دەپ حابارلايدى كابار.
ناقتى دەرەكتەرگە قاراعاندا، 22 -شىلدە كۇنى وكتيابر اۋىلى ماڭىنداعى بەشتەرەك جايلاۋىندا جەرگىلىكتى تۇرعىن سابيرجانۋۋلۋ كۋشتاربەكتىڭ قويلارىنا ەكى ايۋ شاپقان.
ولار 67 قويدى جايراتىپ سالدى. جاقىنداپ قالعان جىرتقىشتاردان قاتتى قورىققان شوپان تۇرا قاشقان. قىرسىق شالعاندا، قۇلاپ ەسىنەن تانىپ قالادى. ابىروي بولعاندا ءتۇز تاعىلارىنىڭ ونىمەن ءىسى بولماعان. قازىرگى تاڭدا شوپاننىڭ قولىن سىندىرىپ العانى بەلگىلى بولدى.
وسى اقپاراتتان كەيىن جەرگىلىكتى بيلىك وكىلدەرى اۋىل تۇرعىندارىمەن ءتۇسىندىرۋ جۇمىستارىن جۇرگىزدى. بۇدان بولەك، ايۋلاردى جايلاۋدان الىسقا قۋىپ جىبەرۋ تۋرالى تاپسىرما بەرىلدى.
