قازاقشا سايراشى، سكريپكا: قايرات نۇرتاستىڭ ەرەكشە بەينەبايانى جارىق كوردى

 استانا. قازاقپارات - تىڭدارماندارىن تاڭعالدىرۋدان تالمايتىن قايرات نۇرتاس حالىققا كەزەكتى بەينەبايانىن ۇسىندى.

ءانشىنىڭ ەرەكشە تۋىندىسى «مەن الەمدى قازاقشا جاقسى كورەم» دەپ اتالادى، دەپ حابارلايدى Stan.kz اقپاراتتىق اگەنتتىگى.

ىرعاقتى اۋەنگە قۇرىلعان ءان سىعان ستيلىندە جازىلعان. سوعان قاراماستان، فاناتتار ارمياسى قايراتتىڭ جۇرەگى قازاق دەپ سوعاتىنىنا كۇمان كەلتىرمەيدى. كوپشىلىك حيتمەننىڭ كەزەكتى تۋىندىسىن «ەرەكشە»، «ناعىز جازدىق بەينەبايان» دەپ باعالاۋدا.

ايتا كەتەيىك، YouTube جەلىسىنە كۇنى كەشە جۇكتەلگەن كليپتى 36 مىڭنان اسا جان تاماشالاپ ۇلگەرگەن.