قاسكەلەڭدەگى بالا ساتۋ: اناسىنان باسقالارى كەپىلمەن بوساتىلدى
اتالعان فاكتىنى وبلىستىق ءى ءى د باسپا ءسوز قىزمەتى راستادى، دەپ حابارلايدى قازاقپارات ءتىلشىسى.
«سوتتىڭ شەشىمىمەن نارەستەنىڭ اناسىنان باسقالارى كەپىلمەن بوساتىلدى. ءبىراق وسى فاكتى بويىنشا قانشا كۇدىكتىنىڭ تەرگەلىپ جاتقانىن جاريا ەتە المايمىز»، - دەپ ءمالىم ەتتى وبلىستىق ءى ءى د باسپا ءسوز قىزمەتىنىڭ جەتەكشىسى سەرگەي نەزنايەۆ.
بەيرەسمي مالىمەت بويىنشا نارەستەنى ساتىپ الماق بولعان وتباسى وكىلى كەپىلمەن بوستاندىققا شىعۋ ءۇشىن 12 ميلليون تەڭگە نەسيە العان. ال نارەستەنىڭ تۋعان اناسى 20 جاستاعى ايەل.
ەستەرىڭىزگە سالا كەتەيىك، الماتى وبلىسىندا جاڭا تۋعان شاقالاقتى اقشاعا ايىرباستاپ جاتقان جەرىنەن قىلمىستىق توپ ۇستالعان بولاتىن. پوليتسەيلەر قاسكەلەڭدەگى اۋرۋحانادا بولىپ جاتقان سۇمدىق جايتتىڭ ۇستىنەن تۇسكەن. قازىر وسى فاكتى بويىنشا ق ر ق ك 135- بابىنىڭ 2- بولىگى بويىنشا تەرگەۋ جالعاسۋدا.
