شەتەلدىك تۋريستەرگە شابۋىل جاساعانداردىڭ كوزى جويىلدى

استانا. قازاقپارات - تاجىكستاننىڭ حاتلون وبلىسىندا شەتەلدىك تۋريستەرگە شابۋىل جاساعان ءۇش كۇدىكتىنىڭ كوزى جويىلدى. بۇل تۋرالى تاجىكستان ءى ءى م ءمالىم ەتتى، دەپ حابارلايدى انادولى.

«ارنايى وپەراتسيا بارىسىندا دانگارا اۋدانىنداعى وسموندار قىشلاعىندا ىزدەۋ سالىنعان ءۇش كۇدىكتى انىقتالىپ، جويىپ جىبەرىلدى»، - دەلىنگەن حابارلامادا.

ەسكە سالا كەتسەك، تاجىكستاندا اۆتوموبيل ءبىر توپ تۋريستى باسىپ كەتىپ، سالدارىنان ءتورت ادام قازا تاپقان بولاتىن.

تاجىكستان ءى ءى م باسشىسى رامازان راحيمزادە، بۇل وقيعا حاتلون وبلىسىندا بولعاندىعىن ءمالىم ەتتى.

ا ق ش، شۆەيتساريا، نيدەرلاندى جانە فرانسيادان كەلگەن جەتى ۆەلوسيپەدشى زارداپ شەكتى، ولاردىڭ تورتەۋى كوز جۇمدى، - دەدى راحيمزادە.

مينيستر بۇل كەلەڭسىز جاعدايدىڭ ۇرلىق ءۇشىن جاسالۋى، سونداي-اق تەرراكت ەكەندىگىن دە جوققا شىعارمادى.

قىلمىسكەرلەردى ۇستاۋ شاراسى بارىسىندا ەكەۋىنىڭ كوزى جويىلعان، بىرەۋى - جارالانعان.