قازاقستاندا العاش رەت جاپپاي جۇزۋدەن جارىس ءوتتى
بۋراباي اۋدانىنداعى بۋراباي كولىندە قازاقستانداعى العاشقى «Burabay Swim 2018» اتتى جاپپاي جۇزۋدەن جارىس ءوتتى. ول Oceanman جانە X- Water سىندى الەمدىك ءجۇزۋ سايىستارىنىڭ انالوگى رەتىندە ۇيىمداستىرىلدى.
«Burabay Swim 2018» «Four seasons» تۇجىرىمداماسىن جۇزەگە اسىرۋ اياسىندا جانە «رۋحاني جاڭعىرۋ» باعدارلاماسىنىڭ نەگىزىندە، سونداي- اق، ەلوردانىڭ 20 جىلدىعىنا وراي وتكىزىلىپ جاتىر. شارانىڭ نەگىزگى ماقساتى - سپورتپەن جاپپاي اينالىسۋعا شاقىرۋ، حالىقتى سالاۋاتتى ءومىر سالتىنا بەيىمدەۋ، ءجۇزۋدى ۇناتاتىن ادامداردىڭ سپورتتىق شەبەرلىكتەرىن جەتىلدىرۋ مەن ىشكى جانە كىرمە ءتۋريزمدى دامىتۋ بولدى»، - دەيدى ۆەدومستۆودا.
ءجۇزۋ سايىسىنا قاتىسۋشىلار 1 نەمەسە 4,5 شاقىرىم (قالاۋى بويىنشا) قاشىقتىقتى ءجۇزىپ وتكەن.
ەڭ جاس استانالىق قاتىسۋشى تيمۋر ستەنين - نەبارى 17 جاستا، ال 51 جاستاعى الماز جاكەيەۆ - قاتىسقانداردىڭ ىشىندەگى ەڭ ەرەسەگى بولدى.
قاراعاندىدان كەلىپ قاتىسقان الەكساندر يوتسۋس 4,5 شاقىرىمعا جۇزۋدەن 1-ورىندى جەڭىپ الدى. ول بۇل قاشىقتىقتى 56 مينۋت، 2 سەكۋندتا ءجۇزىپ ءوتىپ، ەڭ ۇزدىك ناتيجە كورسەتتى. 2- ورىندى استانالىق دميتري دەريەۆيانكو السا، ونىڭ جەرلەسى ەكاتەرينا رۋدەنكو 3- ورىنعا جايعاستى.
1 شاقىرىمعا جۇزۋدە پەتروپاۆل قالاسىنىڭ تۇرعىنى داريا كۋتيكوۆا كوش باستادى. ول بۇل قاشىقتىقتى 17 مينۋت 46 سەكۋندتا ءجۇزىپ ءوتتى. 2- ورىندى قانات جاناتوۆ جەڭىپ الدى. ال استانالىق مۇحامەد- قايدار يسماعۇلوۆ 3- ورىنعا جايعاستى.
