21:12, 30 - شىلدە 2018 | GMT +5
ەندى كولىگى مەن پاتەرىن ساتقان قازاقستاندىقتار زەينەتاقى قورىنا جارنا اۋدارۋعا مىندەتتى
استانا. قازاقپارات - زەينەتاقىمەن قامتاماسىز ەتۋ تۋرالى زاڭعا جاڭا وزگەرىس ەنگىزىلدى. ەندىگى ۋاقىتتا پاتەرى مەن كولىگىن ساتقان قازاقستاندىقتار تۇسكەن قارجىنىڭ 10 پايىزىن ءبىرىڭعاي جيناقتاۋشى زەينەتاقى قورىنا اۋدارىپ وتىرۋعا مىندەتتى.
بۇل تۋرالى Stan.kz اقپاراتتىق اگەنتتىگى Uchet.kz-كە سىلتەمە جاساي وتىرىپ حابارلايدى.
«قازاقستان رەسپۋبليكاسى زەينەتاقىمەن قامسىزداندىرۋ تۋرالى» زاڭعا ەنگىزىلگەن وزگەرىس 2018 -جىلدىڭ 14 - شىلدەسىنەن باستاپ كۇشىنە ەندى.
جاڭا زاڭعا سايكەس، ازاماتتىق- قۇقىقتىق كەلىسىم- شارت بويىنشا تابىس تاپقان فيزيكالىق تۇلعالار ءبىرىڭعاي جيناقتاۋشى زەينەتاقى قورىنا تابىستىڭ 10 پايىزىن اۋدارىپ وتىرۋعا مىندەتتى. الايدا جارنا ەڭ تومەنگى ايلىق ەسەپتىك كورسەتكىشتىڭ 10 پايىزىنان (ياعني، 28284 تەڭگەدەن) جانە 75-ەسەلەنگەن ا ە ك- ءتىڭ 10 پايىزىنان جوعارى بولماۋى ءتيىس.
