قازاقستاننىڭ ۇزدىك مەديتسينالىق ۇيىمدارى بەلگىلى بولدى
د س د ر و 2017 -جىل بويىنشا تەگىن مەديتسينالىق كومەكتىڭ كەپىلدىك بەرىلگەن كولەمى (ت م ك ك ك) شەڭبەرىندە مەديتسينالىق كومەك كورسەتەتىن رەسپۋبليكالىق، وبلىستىق جانە قالالىق دەڭگەيلەردەگى مەديتسينالىق ۇيىمداردى رەيتينگتىك باعالاۋ قورىتىندىسىن شىعاردى.
«مەنەدجمەنت كورسەتكىشتەرى بويىنشا سارالانعان 17 عىلىمي-زەرتتەۋ ينستيتۋتتارىنىڭ، ۇلتتىق ورتالىقتاردىڭ 3 ءۋى، مەديتسينالىق- سانيتاريالىق العاشقى كومەك كورسەتەتىن 168 مەديتسينالىق ۇيىمنىڭ 5 ءۋى ەڭ جوعارى 5 جۇلدىز الدى»، - دەلىنگەن حابارلامادا.
سونداي-اق، ەرەسەكتەرگە ارنالعان 170 قالالىق ستاتسيونار، ەرەسەكتەرگە ارنالعان 32 وبلىستىق ستاتسيونار، بالالارعا ارنالعان 13 وبلىستىق ستاتسيونار جانە بالالارعا ارنالعان 15 قالالىق ستاتسيونار، سونداي-اق 25 قالالىق جانە 17 وبلىستىق ماڭىزى بار پەرزەنتحانالار مەن پەريناتالدى ورتالىقتار اراسىندا بىردە-ءبىر ۇيىم ەڭ جوعارعى رەيتينگ العان جوق.
«كلينيكالىق كورسەتكىشتەر بويىنشا جۇرگىزىلگەن باعالاۋ ناتيجەلەرى بويىنشا ەڭ جوعارعى كورسەتكىشتەرى بار ساناتقا - 5 جۇلدىز - 97 قالالىق ەرەسەكتەر ستاتسيونارى، 9 وبلىستىق ەرەسەكتەر ستاتسيونارى، 3 - وبلىستىق بالالار ستاتسيونارى، 2 - ع ز ي/ۇ و كىردى. م س ا ك ۇيىمدارىنىڭ ىشىندە 8 مەديتسينالىق ۇيىم ەڭ ۇلكەن ناتيجەگە قول جەتكىزدى»، - دەلىنگەن حابارلامادا.
قالالىق ماڭىزى بار 25 پەرزەنتحانا مەن پەريناتالدى ورتالىقتاردىڭ ىشىندە كلينيكالىق كورسەتكىشتەر بويىنشا 6 ۇيىمعا 5 جۇلدىز بەرىلدى. ولار: جامبىل وبلىسى اكىمدىگى دەنساۋلىق ساقتاۋ باسقارماسىنىڭ قالالىق پەريناتالدىق ورتالىعى، ماڭعىستاۋ وبلىسى دەنساۋلىق ساقتاۋ باسقارماسىنىڭ جاڭاوزەن قالالىق پەرزەنتحاناسى، الماتى قالاسى دەنساۋلىق ساقتاۋ باسقارماسىنىڭ قالالىق پەريناتالدىق ورتالىعى، ايماقتىق اكۋشەرلىك-گينەكولوگيالىق ورتالىق، قوستاناي وبلىسى دەنساۋلىق ساقتاۋ باسقارماسىنىڭ ارقالىق پەرزەنتحاناسى، ق ر د س م اكۋشەريا، گينەكولوگيا جانە پەريناتولوگيا عىلىمي ورتالىعى.
سونداي-اق، كلينيكالىق قىزمەتى بويىنشا 5 جۇلدىزعا 17 وبلىستىق پەريناتالدى ورتالىقتىڭ 6 ۋى قول جەتكىزدى: اقمولا وبلىسى دەنساۋلىق ساقتاۋ باسقارماسى جانىنداعى پەريناتالدىق ورتالىق، باتىس قازاقستان وبلىسىنىڭ اكىمدىگى دەنساۋلىق ساقتاۋ باسقارماسىنىڭ وبلىستىق پەريناتالدىق ورتالىعى، اقتوبە وبلىسى دەنساۋلىق ساقتاۋ باسقارماسىنىڭ وبلىستىق پەريناتالدىق ورتالىعى، قوستاناي وبلىسى دەنساۋلىق ساقتاۋ باسقارماسىنىڭ قوستاناي پەريناتالدىق ورتالىعى، اتىراۋ وبلىسى دەنساۋلىق ساقتاۋ باسقارماسىنىڭ اتىراۋ وبلىستىق پەريناتالدىق ورتالىعى، قىزىلوردا وبلىسى دەنساۋلىق ساقتاۋ باسقارماسىنىڭ وبلىستىق پەريناتالدىق ورتالىعى.
قازىرگى ۋاقىتتا الەۋمەتتىك مەديتسينالىق ساقتاندىرۋ قورى «حالىقتىق باقىلاۋ» موبيلدىك قوسىمشاسىن ىسكە قوستى، وندا ءاربىر پاتسيەنتتىڭ تمككك شەڭبەرىندە كورسەتكەن قىزمەتى ءۇشىن مەديتسينالىق ۇيىمعا ءوز باعاسىن قويۋعا مۇمكىندىگى بار. وسىلايشا، وبەكتيۆتى كورسەتكىشتەر نەگىزىندە جاسالاتىن د س د ر و- نىڭ جىل سايىنعى رەيتينگىنە قوسىمشا «حالىقتىق باقىلاۋ» موبيلدىك قوسىمشاسى جىل بويى پاتسيەنتتەرمەن كەرى بايلانىس جاساۋ ءۇشىن جىلدام ءادىسى بولىپ تابىلادى.
رەيتينگتىك باعالاۋ ناتيجەلەرىمەن دسدرو سايتىندا تولىعىراق تانىسۋعا بولادى.
رەيتينگتى ەسەپتەۋ ءۇشىن ينديكاتورلار رەتىندە كورسەتىلەتىن مەديتسينالىق قىزمەتتەردىڭ ساپاسى سالاسىنداعى 50 گە جۋىق ەڭ ماڭىزدى كورسەتكىش ىرىكتەلىپ الىندى.
