استانانىڭ ماڭايىندا دەمالۋعا قانشا اقشا كەتەدى

استانا. قازاقپارات - استانانىڭ اينالاسىندا جەكە مەنشىك دەمالىس ورىندارى از ەمەس.

ونداي جەرلەردە سۋدىڭ جاعاسىندا تىنىعىپ، كاۋاپ جاساپ، وتباسىمەن بىرگە جاقسى دەمالىس وتكىزۋگە بولادى.

الايدا كەز كەلگەن ادامنىڭ قالتاسى ونداي دەمالىستى كوتەرە بەرمەيدى. قازاقپارات ءتىلشىسى دەمالىس ورىندارىنىڭ باعالارىن سالىستىرىپ كوردى.

بۇگىندە ەلوردانىڭ ماڭايىندا بىرنەشە قىمبات دەمالىس ورىندارى بار. ونىڭ ىشىندە باسسەين دە، كۆادراتسيكل دە، جىلقى ءتىپتى تۇيە دە بار. ال قونىپ قالامىن دەسەڭ، قوناق ۇيگە دە، كوتتەدجگە دە، اعاش پەن كيىز ۇيلەرگە دە جاتۋعا بولادى. الايدا ءبىراز اقشا شىعارۋعا تۋرا كەلەدى.

ماسەلەن، «چيستىە پرۋدى» دەگەن جەردە كىرۋدىڭ ءوزى 5 مىڭ تەڭگە. وعان باسسەين، بالىق اۋلاۋ مەن سۋعا ءتۇسۋ اقىسى كىرەدى. بۇدان بولەك، تاماقتىڭ دەپوزيتىن تولەپ قويۋ قاجەت. باسسەيننىڭ جانىندا وتىرامىن دەسەڭ، ءبىر ۇستەلگە 40 مىڭ تەڭگە، ال كۇركەنىڭ ىشىندە - 40-400 مىڭ تەڭگە. ساكىنىڭ ءبىر ساعاتى - 3 مىڭ تەڭگە، وعان قوسا، ءبىر ادامعا، كەم دەگەندە، 5 مىڭ تەڭگەگە تاماق الۋ قاجەت. اعاشتان جاسالعان ۇيدە ءبىر تاۋلىك جاتقانعا 60 مىڭ تەڭگە الادى. الايدا ونى جارتى تاۋلىككە دە الۋعا بولادى. ساۋنا مەن كوتتەدجدەردىڭ باعاسى دا ارزان ەمەس.

«بالقاراعاي» دەمالىس ورنى دا ارزان ەمەس. ول جەرگە وزىمەن بىرگە تاماق اكەلۋگە بولمايدى. ال ءبىر ادامنىڭ تاماققا تاپسىرىس بەرۋ دەپوزيتى 6 مىڭ تەڭگەنى قۇرايدى. اعاشتان جاسالعان ءبىر ءۇيدى جالعا الۋ قۇنى - 100 مىڭ تەڭگە. ونىڭ ىشىندە بەس بولمە بار. 100 مىڭ تەڭگەگە تاڭعى اس تا كىرەدى. كيىز ءۇي مەن كۇركەنىڭ باعاسى ەكى ەسەگە تومەن. ال ساكىنى 20 مىڭعا جالعا الۋعا مۇمكىندىك بار. بۇدان بولەك، تاماق پەن ويىن- ساۋىققا كەتەتىن شىعىنداردى دا ەسكەرۋ كەرەك. ماسەلەن، باسسەينگە كىرۋ - 5 مىڭ تەڭگە، ساداقتان ءبىر رەت وق اتۋ - 300 تەڭگە، اتتى ءبىر ساعات ءمىنۋ- 20 مىڭ تەڭگە جانە تاعىسىن تاعى.

قوياندىدا «زولوتوي فازان» دەگەن دەمالىس ايماعى بار. ول جەردە ءبىر ستاندارتتى ءنومىردى جارتى كۇنگە 9 مىڭعا الۋعا بولادى. الايدا دەمالىس كۇندەرى باعا 14 مىڭعا دەيىن كوتەرىلەدى. ورماننىڭ ىشىندەگى كيىز ءۇي 250 مىڭ تەڭگەگە جالعا بەرىلەدى. جارتى كۇنگە - 150 مىڭ تەڭگە. كۇركەنى ءبىر تاۋلىككە 8 مىڭ تەڭگەگە الۋعا بولادى.

ءبىراق تاماقتىڭ اقشاسىن دا ۇمىتپاۋ قاجەت. سەبەبى ونى وزىمەن بىرگە اكەلۋگە رۇقسات جوق. سول جەردە كاۋاپ جاساۋعا ەت ساتىلادى. ءبىر كەلىسى - 5 مىڭ تەڭگە. ءبىراق كومىرگە جانە ءاربىر ىستىككە (شامپۋر) 200 تەڭگە تولەۋ كەرەك. ويىن-ساۋىق قىزمەتتەرى دە ارزان ەمەس. شاحماتتىڭ ءبىر ساعاتى - 700 تەڭگە، ال ءبىر قوياندى اۋلاۋعا 18 مىڭ تەڭگەگە شىعىندالۋ قاجەت. باسسەين - 2-5 مىڭ تەڭگە.

جاقىندا «بەيبارىس» اتتى تىنىعۋ ايماعى اشىلدى. ول دا قاراعاندى تاس جولىنىڭ بويىندا ورنالاسقان. وعان كىرۋ - 1 مىڭ تەڭگە. ال 65 مىڭ تەڭگەلىك قوناق ءۇيدى جالعا الساڭ، كىرگەنى ءۇشىن اقشا المايدى. 4 ادامعا ارنالعان ستاندارتتى ءنومىر 40 مىڭ تۇرادى، ال 2 ادامدىق - 25 مىڭ تەڭگە. جابىق كۇركەلەر ءبىر كۇنگە - 70 مىڭ تەڭگە، اشىق تۇرعاندارى - 30 مىڭ تەڭگە. وسى اقشانىڭ ىشىنە مانگال مەن ساماۋىر كىرەدى. باسسەين دە بار.

ونىڭ باعاسى - 5 مىڭ تەڭگە. «كۇلاگەر»، «استانا resort» ، «اقبوزات» جانە تاعى باسقا دەمالىس ورىندارى دا سولاي جۇمىس ىستەيدى.

استانانىڭ ماڭايىندا ارزان جەرلەر دە بار. ماسەلەن، جىبەك جولى كەنتىندە «ۆودوپاد» پەن «ەكوكومفورت» سياقتى دەمالىس ايماقتارى بار. «ۆودوپادتا» 20 ادام سىياتىن ءۇيدى 80 مىڭ تەڭگەگە الۋعا بولادى. وزىڭمەن بىرگە تاماق اكەلۋگە دە رۇقسات بار.

«ەكوكومفورت» تا سولاي. ءبىراق كىرگەنى ءۇشىن 1 مىڭ تەڭگە تولەۋ كەرەك.

  

اۆتور: انەليا قاسىموۆا