14:23, 30 - شىلدە 2018 | GMT +5
ەلۋ رەت قايتا تۇسىرىلگەن كادر
استانا. قازاقپارات - امەريكالىق رەجيسسەر ستەنلي كۋبريك فيلم ءتۇسىرۋ كەزىندە كوپ دۋبل جاسايتىن پەرفەكتسيونيستىك قاسيەتىمەن تانىمال. رەجيسسەرمەن جۇمىس ىستەگەن ءتۇسىرىلىم توبىنىڭ مۇشەلەرى ونىڭ ءمىنسىز كادر ءتۇسىرۋ ءۇشىن ايانبايتىندىعىنا تالاي قايران قالعان.
ستيۆەن كينگتىڭ رومانى جەلىسىمەن 1980 -جىلى تۇسىرىلگەن «جارقىراۋ» فيلمىندە ويىنشىقتارىمەن ويناپ وتقان دەنني اتتى كەيىپكەرگە قارسى الدىنان كىشكەنتاي شار دومالاپ توقتايدى. بۇل كادر 50 رەت قايتا-قايتا تۇسىرىلگەن ەكەن.
سەبەبى كادردىڭ ءمىنسىز شىعۋى ءۇشىن شاردى ءتۇزۋ دومالاتۋ كەرەك بولعان. ەڭ سوڭعى ءساتتى دۋبلدە شار ەدەندەگى جولاقتاردى ءتۇزۋ جاعالاي توقتايدى.
ءدال وسى فيلمدە دجەك توررەنس رولىندەگى دجەك نيكولسون قابىرعاعا كىشكەنتاي دوپ لاقتىرىپ ويناپ تۇرادى. العاشقى نۇسقادا بۇل كورىنىس بولماعان، ونى دجەكتىڭ ءوزى ۇسىنعان. ءوز ۇسىنىسىنان ءتۇسىرىلىم كەزىندە اكتەر اينىپ قالعان دا شىعار. سەبەبى بۇل كورىنىستى رەجيسسەر بىرنەشە كۇن بويى تۇسىرگەن.
