اۋعانستاننىڭ كىشى پاميرىندە تۇراتىن قىرعىزدار حان سايلادى
بۇل تۋرالى ازاتتىقتىڭ قىرعىز قىزمەتىنە وسى ايماقتا تۇراتىن ابدۋلۋاحيت جەەنبەك ۋۋلۋ حابارلاعان. ونىڭ ايتۋىنشا، جاڭا حاننىڭ كومەشكىسى بولىپ مولدو ابدۋلحاق بەكىتىلگەن.
كىشى پاميردى مەكەندەيتىن ەتنيكالىق قىرعىزدار حان ەتىپ سايلاعان اجىبوتو ابديلگاني ۋۋلۋ.
كىشى پامير قىرعىزدارىنىڭ حان سايلاۋ راسىمىنە اۋعانستاننىڭ جەرگىلىكتى رەسمي بيلىك وكىلدەرى دە قاتىسقان.
بۇعان دەيىن كىشى پاميردەگى 400-گە جۋىق وتباسى بولاتىن ەتنيكالىق قىرعىزداردى بەس جىلداي ەرالى حان باسقارعان. بيىل شىلدەنىڭ 15- كۇنى 68 جاستاعى ەرالى حاننىڭ قايتىس بولعانى تۋرالى حابار تاراعان.
20-عاسىردىڭ ەكىنشى جارتىسىندا اۋعانستانداعى ەتنيكالىق قىرعىزداردىڭ باسشىسى راحمانقۇل حان سوۆەت ۇكىمەتى اۋعانستانعا اسكەر كىرگىزگەننەن كەيىن قولاستىنداعى حالقىنىڭ ءبىر بولىگىن ەرتىپ پاكىستان اۋماعىنا كوشىپ بارعان. كەيىن ولاردىڭ كوپشىلىگى ب ۇ ۇ- نىڭ جاردەمىمەن تۇركياعا راحمانقۇل حانمەن بىرگە قونىس اۋدارعان.
