گولوۆكينگە «كانەلومەن» جەكپە-جەكتە قانداي ءتاسىل قولدانۋ كەرەك - مامان پىكىرى

استانا. قازاقپارات - Boxingnews24.com ءتىلشىسى شون دجونس گەننادي گولوۆكينگە رەماتچ كەزىندە ساۋل الۆارەسكە قانداي سوققىلار جۇمساۋ قاجەتتىگىن ايتتى، دەپ حابارلايدى Sports.kz.

«گولوۆكين نەگىزىنەن «كانەلونىڭ» دەنەسىنە كوپ سوققى جۇمساۋ جاعىنا كوڭىل بولەدى دەگەن ويدامىن. ويتكەنى بۇل سوققىلار GGG ءۇشىن وتە جەڭىل بولماق. گولوۆكينگە قارسىلاسىنىڭ باسىنا ءدال سوققى تيگىزۋ قيىنعا سوعادى. سەبەبى «كانەلو» ودان قورعانۋ ءۇشىن كوپ قيمىل جاسايدى. گولوۆكيننىڭ «كانەلو» قاشىپ قۇتىلا المايتىن سوققىلارى ارينە، سول دەنە تۇسى بولۋى كەرەك. گولوۆكين دە سول تۇستى كوبىرەك كوزدەيتىن بولادى، ياعني ول نەگىزىنەن تومەنگى قاباتتا جۇمىس ىستەيدى»، - دەپ جازادى اۆتور.

«كانەلو» - GGG رەماتچى 15 -قىركۇيەكتە لاس- ۆەگاستا وتەدى. Profit Betting بۋكمەكەرلىك كەڭسەسى تومەندەگىدەي كوەفيتسەنتتەردى ۇسىنىپ وتىر. گولوۆكيننىڭ جەڭىسى - 1.63، الۆارەستىڭ جەڭىسى -2.57، تەڭ ناتيجە -21.