تۇرمەدە جاتقان پاكىستاننىڭ ەكس-پرەمەرى ناۆاز شاريف اۋرۋحاناعا ءتۇستى
PIMS وكىلى ۆاسيم حاۆاجا شەريفتىڭ ايتۋىنشا، ساياساتكەردىڭ دەنساۋلىعى تۇراقتى دەپ باعالانىپ وتىر. ونىڭ قانى قۇرامىنداعى قانت كوبەيىپ كەتكەندىگى تىركەلگەن.
PIMS كاردتولوگيا ءبولىمىنىڭ باس دارىگەرى نايما ماليكانىڭ سوزىنە قاراعاندا، شاريفتىڭ قانىنان پاتسيەنت ومىرىنە قاۋىپ توندىرەتىن مي تامىرلارىنىڭ ترومبوزى تابىلعان.
پاكىستاننىڭ بۇرىنعى پرەمەر-ءمينيسترى ناۆاز شاريف پەن ونىڭ قىزى ءابۋ-دابيدەن لاحورعا ۇشىپ كەلگەن كەزدە، اۋەجايدا ۇستالعان بولاتىن.
بۇدان بۇرىن سوت شاريفتى سىبايلاس جەمقورلىققا بايلانىستى سىرتتاي ون جىلعا باس بوستاندىعىنان ايىرۋعا ۇكىم شىعارعان ەدى. بۇعان قوسا ول 2 ميلليون فۋنت ايىپپۇل تولەۋى ءتيىس.
ال ەكس-پرەمەردىڭ قىزى ماريام ناۆاز جەتى جىلعا سوتتالدى جانە 2 ميلليون ايىپپۇل تولەۋگە شەشىم شىعارىلعان.
ەسكە سالا كەتسەك، ناۆاز شاريف ءتورت رەت پاكىستان ۇكىمەتىنىڭ باسشىسى اتاندى. سوڭعىسىندا بۇل لاۋازىمدا 2013 -جىلى بولدى.
