ايەلدەر جەلكەندى قايىقپەن جەر شارىن اينالۋدان تۇڭعىش رەت جەڭىمپاز اتاندى

استانا. قازاقپارات - 53 جاستاعى اۋستراليالىق، ياحتالىق شپيكەر ۆەندي تاك ءبىر جىلعا سوزىلعان جەر شارىن جەلكەندى قايىقپەن ارالاۋدان جەڭىمپاز اتانعان العاشقى ايەل بولدى، دەپ حابارلايدى bbc.com.

مارە سىزىعىن ەكىنشى بولىپ 25 جاستاعى بريتاندىق نيككي حەندەرسون كەستى. ۆەندي تاكتى مىڭداعان ادام ليۆەرپۋلدە ايلاقتا قارسى الدى. «مەن ايەلدەر تۋرالى ءسوز قوزعاعاندى ۇناتپايمىن. مەن ءجاي عانا ءوز جۇمىسىمدى ىستەدىم. الايدا، وسىنى ىستەگەنىمىزدى ماقتان تۇتامىن»، - دەدى ۆەندي تاك Telegraph گازەتىنە بەرگەن سۇحباتىندا.

ءبىر جىل بۇرىن 12 ياحتا ليۆەرپۋلدەن الەمدى سۋدا ءجۇزىپ ارالاۋعا جول تارتقان ەدى. قاتىسۋشىلار 40 مىڭ ميل (64300 شاقىرىم) جول ءجۇرىپ ءوتتى.