11:18, 28 - شىلدە 2018 | GMT +5
بايان ولگەيگە شىلدەنىڭ شىلىڭگىرىندە قار ءتۇستى
بايان- ولگەي. قازاقپارات - موڭعوليانىڭ بايان ولگەي ايماعىندا 25-26 - شىلدە ارالىعىندا نوسەر جاڭبىر جاۋىپ، قار ءتۇستى، دەپ حابارلايدى قازاقپارات مونتسامە اگەنتتىگىنە سىلتەمە جاساپ.
وسى ايدىڭ سوڭىندا موڭعوليانىڭ باسىم بولىگىندە نوسەر جاۋىن جاۋىپ، كەي جەرلەردە بۇرشاق ءتۇستى. وسىنىڭ بارلىعى دا جەرگىلىكتى تۇرعىندارعا ايتارلىقتاي شىعىن كەلتىردى.
مۇنداي قۇبىلمالى اۋا رايى بيىل ءبىرىنشى رەت بولىپ وتىرعان جوق. 21 - ماۋسىم كۇنى گوۆ- التاي ايماعىندا دا قار جاۋىپ، بوران بولعان. ۇزاق ۋاقىت جاۋعان جاڭبىردىڭ سالدارىنان موڭعوليانىڭ حوۆد، بۋيانت، ساگساي جانە تۋرگان سياقتى وزەندەرىنىڭ سۋى ارناسىنان استى.
بۇعان قوسا قازىر سينوپتيكتەر بۇكىل ەل اۋماعىندا جاقىن كۇندەرى وتكىنشى جانە نوسەر جاۋىن جاۋاتىنىن ايتتى. جاۋىننىڭ سالدارىنان شاعىن وزەندەردە سۋ ارناسىنان اسىپ، تاسقىن بولۋى دا مۇمكىن. وسى سەبەپتى اتا- انالارعا بالالارىن جاقىن ماڭداعى وزەن- كولدەرگە جىبەرمەۋ جونىندە ەسكەرتۋ جاسالدى.
اۋدارما: ايدار وسپاناليەۆ
