ق. ءابدىراحمانوۆ ءدىني سەنىم بوستاندىعىن ناسيحاتتاۋ جونىندەگى مينيسترلىك كونفەرەنسياسىنا قاتىستى
ءىس- شاراعا الەمنىڭ 80 ەلىنەن كەلگەن سىرتقى ساياسي ۆەدومستۆولارىنىڭ باسشىلارى، سونداي- اق 170-تەن استام ازاماتتىق قوعام وكىلدەرى جانە 100 ءدىني ليدەرلەر قاتىستى. كونفەرەنسيانى اشقان ا ق ش ۆيتسە- پرەزيدەنتى مايكل پەنس ءدىني ەركىندىكتى قامتاماسىز ەتۋ پرەزيدەنت دونالد ترامپ اكىمشىلىگىنىڭ باستى باسىمدىقتارىنىڭ ءبىرى ەكەندىگىن، سونداي- اق ا ق ش- تىڭ مەملەكەتتىك ساياساتىنىڭ ماڭىزدى باعىتى بولىپ تابىلاتىندىعىن مالىمدەدى.
وسىعان بايلانىستى دۇنيە جۇزىندەگى ءدىني بىرلەستىكتەر، ازشىلىقتار مەن ءدىندار ادامداردىڭ قۇقىقتارىن قورعاۋدا ا ق ش حالىقارالىق قوعامداستىققا جاردەمدەسۋ جانە قولعابىس كورسەتۋدى جالعاستىرۋعا نيەتتى.
مەملەكەتتىك حاتشى م. پومپەونىڭ ايتۋىنشا، اتالعان ماقساتتاردى جۇزەگە اسىرۋ ءۇشىن ا ق ش ءدىندارلاردىڭ قۇقىقتارى مەن بوستاندىقتارىن قورعاۋعا باعىتتالعان ءبىرقاتار باستامالاردى جۇزەگە اسىرۋدى جوسپارلاۋدا. كونفەرەنسيا قاتىسۋشىلارى ا ق ش- تىڭ پوتوماك دەكلاراتسياسىن جانە ءدىني بوستاندىقتى قامتاماسىز ەتۋ سالاسىنداعى پوتوماك ءىس- قيمىل جوسپارىن قابىلداۋ تۋرالى ۇسىنىسىن قولدادى.
ءوز سوزىندە قازاقستان رەسپۋبليكاسىنىڭ سىرتقى ىستەر ءمينيسترى ق. ءابدىراحمانوۆ قازاقستاننىڭ ءدىني بوستاندىق قاعيداسىنا بەرىك اينىماستىعىن جانە ەلىمىزدىڭ وسى سالاداعى حالىقارالىق كۇشتەردى قولداۋعا دايىندىعىن راستادى. سىرتقى ساياسي ۆەدومستۆو باسشىسى وسى باستامالاردىڭ 2016 -جىلعى ساۋىردە پرەزيدەنت نۇرسۇلتان نازاربايەۆتىڭ يسلام ىنتىماقتاستىعى ۇيىمى سامميتى اياسىندا ۇسىنىلعان «يسلامدىق تاتۋلاسۋ» يدەياسىمەن، سونداي- اق 2012 -جىلعى جەلتوقساندا ب ۇ ۇ باس اسسامبلەياسى قولداعان «مادەنيەتتەردى جاقىنداستىرۋ» يدەياسىمەن سايكەس كەلەتىندىگىنە ەرەكشە نازار اۋداردى.
قازاقستاندىق تاراپ ءدىني بوستاندىقتى ناسيحاتتاۋ حالىقارالىق تۇراقتىلىق پەن قاۋىپسىزدىكتى قامتاماسىز ەتۋگە ىقپال ەتەدى دەپ سانايدى. بۇعان بەيبىتشىلىك، قاۋىپسىزدىك، تۇراقتىلىق پەن تۇراقتى دامۋدىڭ وڭىرلىك ۇلگىسى رەتىندە قىزمەت ەتۋگە ۇمتىلاتىن ورتالىق ازيا دالەل. ءسوز سوڭىندا مينيستر كونفەرەنسياعا قاتىسۋشىلاردى اعىمداعى جىلدىڭ قازان ايىنىڭ باسىندا وتەتىن قازاقستان كوشباسشىسىنىڭ باستاماسىمەن قۇرىلعان، دىندەر، مادەنيەتتەر مەن وركەنيەتتەر اراسىنداعى ديالوگتى قولداۋدىڭ بىرەگەي الاڭى بولىپ تابىلاتىن قازاقستانداعى الەمدىك جانە ءداستۇرلى دىندەر ليدەرلەرىنىڭ VI سەزى تۋرالى حاباردار ەتتى.
سونىمەن قاتار، ق. ءابدىراحمانوۆ كونفەرەنسيا اياسىندا ا ق ش مەملەكەتتىك حاتشىسى م. پومپەو، ا ق ش پرەزيدەنتىنىڭ اعا كەڭەسشىسى دجارەد كۋشنەرمەن پىكىر الماستى جانە مەملەكەتتىك حاتشىنىڭ وڭتۇستىك جانە ورتالىق ازيا ىستەرى جونىندەگى ورىنباسارى ەليس ۋەللسپەن كەلىسسوزدەر جۇرگىزىپ، ونىڭ بارىسىندا قازاقستاندىق- امەريكاندىق قارىم- قاتىناستار دامۋىنىڭ اعىمداعى جاعدايىمەن مەن بولاشاعى تالقىلاندى ق ر سىرتقى ساياسي ۆەدومستۆونىڭ باسشىسى ۆاشينگتونداعى ساپارى بارىسىندا جەتەكشى ساراپتامالىق ورتالىقتاردىڭ ءبىرى «اتلانتيكالىق كەڭەسكە» بارىپ، وندا قازاقستان دامۋىنىڭ نەگىزگى باسىمدىقتارى تۋرالى بريفينگ وتكىزدى جانە حالىقارالىق كۇن تارتىبىندەگى وزەكتى ماسەلەلەر بويىنشا پىكىر الماستى.
اقپارات كوزى: mfa.gov.kz
