سولتۇستىك كورەيا امەريكاندىق سولداتتاردىڭ سۇيەكتەرىن قايتاردى

استانا. قازاقپارات - سولتۇستىك كورەيا كورەيا سوعىسى كەزىندە ولگەن امەريكاندىق سولداتتاردىڭ سۇيەكتەرىن ا ق ش- قا بەردى. ولاردى وڭتۇستىك كورەياداعى وسان اۆيابازاسىنا ۇشاقپەن جەتكىزگەن.

 ارنايى رەپاترياتسيا ءراسىمى تامىزدىڭ 1- كۇنى وتەدى.

ولگەن سولداتتاردىڭ سۇيەكتەرىن ىزدەۋ جانە بەرۋ تۋرالى كەلىسىمگە سولتۇستىك كورەيا مەن ا ق ش باسشىلارىنىڭ ماۋسىم ايىنداعى العاشقى كەزدەسۋى بارىسىندا قول قويىلعان.

اق ءۇيدىڭ دەرەگىنشە، سولتۇستىك كورەيادا 5,3 مىڭ امەريكاندىق جاۋىنگەردىڭ سۇيەگى قالعان.

سولتۇستىك كورەيا مەن وڭتۇستىك كورەيا اراسىنداعى سوعىس 1950 -جىلدىڭ 25 - ماۋسىمى مەن 1953 -جىلدىڭ 27 - شىلدە ارالىعىندا بولدى. سولتۇستىك كورەيا جاعىندا سوۆەت وداعى مەن قىتاي سوعىسسا، وڭتۇستىك كورەيا جاعىنا ا ق ش پەن 21 ەلدىڭ اسكەريلەرىنەن قۇرالعان ب ۇ ۇ كواليتسياسى بولىستى.

www.azattyq.org