ۇلتتىق قاۋىپسىزدىك كوميتەتىنىڭ اكادەمياسى جيىرماسىنشى تۇلەكتەرىن شىعارىپ سالدى

استانا. قازاقپارات - بۇگىن ق ر ۇ ق ك اكادەمياسىندا كوميتەت ءتوراعاسى كارىم ءماسىموۆتىڭ، ۇلتتىق قاۋىپسىزدىك ورگاندارى ارداگەرلەرى مەن اتا-انالاردىڭ قاتىسۋىمەن كۋرسانتتاردى شىعارىپ سالۋ سالتاناتى ءوتتى، دەپ حابارلايدى قازاقپارات ۆەدومستۆونىڭ باسپا ءسوز قىزمەتىنە سىلتەمە جاساپ.

بىتىرۋشىلەرگە «ۇلتتىق قاۋىپسىزدىك لەيتەنانتى» وفيتسەرلىك اتاعى بەرىلدى.

ۇ ق ك ءتوراعاسى ك. ءماسىموۆ جاس لەيتەنانتتارعا:

 

«قازاقستان قوعامىنداعى كىرشىكسىز ادالدىق جانە شەكسىز ەرلىك، جوعارى كاسىبيلىك، وتان الدىنداعى پارىز جولىندا باتىل جانە جانىن قيۋعا دايىن ۇ ق ك وفيتسەرىنىڭ بەينەسى سىزدەردىڭ قىزمەتتەرىڭىزبەن بايلانىستى بولادى»، - دەپ، اق جول تىلەدى.

كارىم قاجىمقان ۇلى اكادەميانىڭ پروفەسسورلىق-وقىتۋشىلىق قۇرامىنا، سونداي-اق كادرلاردى دايىنداۋعا، كوپسالالى جوعارعى وقۋ ورنىنىڭ قالىپتاسۋى مەن دامۋىنا قاتىسقان بارشا ادامدارعا العىس ءبىلدىردى.

 

ءىس- شارا بىتىرۋشىلەردىڭ سالتاناتتى مارشىمەن جانە «مەن قازاقپىن» ءانىنىڭ ورىندالۋىمەن اياقتالدى.