نيكولاي دىچكو: دەمالىس كۇندەرى مىندەتتى تۇردە دومبىرادا وينايمىن
ەسكە سالا كەتەيىك، ۇلتتىق دومبىرا كۇنى اقسۋلىق اكىم قۇرمانعازىنىڭ اسىل مۇرالارىنىڭ ءبىرى - «بالبىراۋىن» كۇيىن كاسىبي دومبىراشىمەن بىرگە ورىنداعان بولاتىن.
- دومبىرا ويناۋدى ۇيرەنىپ الدىم دەپ ايتۋ اسىرا سىلتەگەندىك بولار، - دەيدى نيكولاي دىچكو.
- ءبىراق تا ۇلتتىق اسپاپتى كەڭىنەن ناسيحاتتاۋ ماقساتىندا مەن دە ءوز كۇشىمدى سىناپ كوردىم. بۇل العاشقى قادام دەپ ايتساق بولادى. قازاقتىڭ ۇلتتىق اسپابىندا ويناۋ قىزىقتى ءارى ادامدى باۋراپ الادى. ول ءۇشىن ۋاقىت كەرەك. سوندىقتان ودان ءارى قاراي جەتىلدىرۋ ءۇشىن جالعاستىرۋعا تىرىسامىن. دومبىرا - قازاقتىڭ رۋحى. كاسىبي ديريجەر سامال تەمىربەكوۆانىڭ جەتەكشىلىگىمەن ۇلتتىق اسپاپتار وركەسترى مەكتەپ جاسىنا دەيىنگى بالالارعا دومبىرادا ويناۋدى ۇيرەتەدى. الداعى ۋاقىتتا بالالار دومبىرا وركەسترىن قۇرۋ جوسپاردا بار».
اقسۋلىق اكىم سەنبى- جەكسەنبى كۇندەرى مىندەتتى تۇردە جانە جۇمىس كۇندەرى ەكى رەت ساعات توعىزدان ونعا دەيىن قازاقتىڭ قوس ىشەكتى اسپابىندا ويناۋعا ۋاقىت تاباتىنىن ايتادى.
بۇدان باسقا، سپيكەر «انا ءتىلى» ورتالىعىنىڭ جەتەكشىسى شولپان كينجيكوۆانىڭ كومەگىمەن مەملەكەتتىك تىلدە ديكتانت جازۋدى ۇيرەنىپ جۇرگەنىنە ءبىراز ۋاقىت وتكەنىن اتاپ ءوتتى.
- بۇرىندا ورىس تىلىندە ديكتانتتى ناشار جازاتىنمىن، - دەپ ەسكە الدى اكىم.
- نەگە ەكەنىن بىلمەيمىن، الايدا اۋىز ەكى سويلەۋگە قاراعاندا قازاق تىلىندە ديكتانتتى جاقسى تاپسىرامىن. ول جەردە باعا قويىلمادى. قاتىسۋشىلاردىڭ اراسىندا مەملەكەتتىك تىلدە ۇزدىك جازعاندار بولدى. مەن سول ورتاشا دەڭگەيدە تاپسىرعان ءتارىزدىمىن».
