بالعىنبەك يماشەۆ مەملەكەتتىك قىزمەتكەر قانداي بولۋى كەرەك ەكەنىن ايتتى
بۇل تۋرالى ول استانادا «رۋحاني جاڭعىرۋ» باعدارلاماسىنىڭ اياسىندا وتكەن كەشتە ايتتى، - دەپ حابارلايدى Tengrinews.kz ءتىلشىسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنە سىلتەمە جاساپ.
ۆەدومستۆو مالىمەتىنشە، كەش مەملەكەتتىك قىزمەتشىلەردىڭ قاتىسۋىمەن ءوتتى جانە ول مادەني اشىقتىققا، ۇلتتىق رۋحتى نىعايتۋعا جانە مەملەكەتتىك قىزمەتشىلەردىڭ شىعارماشىلىق الەۋەتىن دامىتۋعا ارنالعان.
سونداي-اق، كەشتىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى وكىلدەرىنىڭ «رۋحاني جاڭعىرۋ» باعدارلاماسىنىڭ «وزگەرىستەردى وزىڭنەن باستا» ىشكى باعدارلاماسى اياسىندا وتكەنى ايتىلادى. ءىس-شارادا مەملەكەتتىك قىزمەتشىلەر ايتىسكەر اقىن بالعىنبەك يماشەۆتىڭ شىعارمالىعىمەن تانىسقان.
سونداي-اق، ۆەدومستۆوداعىلاردىڭ مالىمەتىنشە، بۇدان بولەك كەش بارىسىندا شىنايى وتانسۇيگىشتىك، جاستاردىڭ ادامگەرشىلىك تاربيەسى، ءتىل، قازاقستان حالقىنا قىزمەت ەتۋ سياقتى وزەكتى ماسەلەلەر كوتەرىلدى. ايتىسكەر اقىن ءوز سوزىندە كوپشىلىككە شىعارماشىلىق تۋىندىلارىن تانىستىرىپ، كورەرمەندەرمەن اڭگىمەلەسۋ بارىسىندا سۋىرىپ سالما اقىندىق شەبەرلىگىن كورسەتتى.
مەملەكەتتىك قىزمەتشىلەر بالعىنبەك يماشەۆتىڭ شىعارماشىلىق تۋىندىلارى ارقىلى سانانى جاڭعىرتۋ يدەياسىن ۇعىنا ءتۇستى. بۇعان دالەل - شارا سوڭىندا ايتىسكەر اقىنعا قويىلعان ءبىرشاما سۇراقتار. «ايتا كەتۋ كەرەك، مۇنداي كەشتەر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىمەن تۇراقتى تۇردە ايىنا 2 رەت، بەيسەنبى كۇندەرى ۇيىمداستىرىلۋدا. بۇگىنگى كۇنى اگەنتتىك قازاقستان جازۋشىلار وداعىمەن بىرلەسە وتىرىپ مەملەكەتتىك قىزمەتشىلەر ءۇشىن 2 شىعارماشىلىق كەش وتكىزدى»، - دەيدى اگەنتتىك وكىلدەرى.
بۇدان بولەك، كەشكە كوپشىلىككە كەڭىنەن تانىمال شىعارماشىلىق قايراتكەرلەر جانە اقىندار باۋىرجان قاراعىز ۇلى، داۋلەتكەرەي كاپ ۇلى، ۇلاربەك نۇرعالىم، داۋىربەك قۇداباي ۇلى، روزا مۇقانوۆا، وڭايگۇل تۇرجان، جادىرا بايبۇلانوۆانىڭ قاتىسقانى ايتىلادى.
