قىتايدا ناۋقاس بالانىڭ قولىنداعى تاتۋ ونىڭ ءومىرىن ساقتاپ قالعان

 استانا. قازاقپارات - قىتايدا پوليتسيا جوعالعان بالانى تاپتى. ونىڭ قولىنا اناسىنىڭ تەلەفون ءنومىرى تاتۋ ارقىلى جازىلعان.

بالانى ۋەنجوۋ مەن تايجوۋ قالاسىنىڭ اراسىندا اداسىپ جۇرگەن جەرىنەن تاپقان. ونىڭ قولىنا تاتۋمەن جازىلعان ەكى ءنومىر بولعان. ءبىراق بىرەۋى سىزىلىپ تاستالعان.

بالا بىرنەشە كۇن بۇرىن ۇيىنەن جوعالىپ كەتكەن. ول ءوزىنىڭ اتى كىم ەكەنىن، قايدا تۇراتىنىن ايتا الماعان. سول كەزدە ءتارتىپ ساقشىلارى بالانىڭ پسيحيكالىق اۋىتقۋى بار ەكەنىن سەزىپ، قولىنداعى نومىرگە حابارلاسقان.

قوڭىراۋعا بالانىڭ اناسى جاۋاپ بەرىپ، بولىمشەدەن بالانى الىپ كەتكەن. بالا اتا-اناسى ۇيىقتاپ جاتقان كەزدە ۇيدەن قاشىپ كەتىپ، قايتار جولدى ۇمىتىپ قالعان.

ال اناسى ول اداسىپ قالعان جاعدايدا ونى تاۋىپ العان كەز كەلگەن ادامنىڭ وزىنە حابارلاسۋى ءۇشىن بالاسىنىڭ قولىنا ءوزىنىڭ تەلەفون ءنومىرىن تاتۋمەن جازىپ قويعان.

 

دەرەككوز: https://lenta.ru/