الەمدەگى ەڭ ادەمى قىز نيگەريادان تابىلدى
بۇل تۋرالى The Mirror حابارلادى، دەپ جازادى Stan.kz اقپاراتتىق اگەنتتىگى.
موفە بامايۆا ەسىمدى فوتوگراف نيگەريالىق بەس جاسار دجەيردىڭ سۋرەتتەرىن ءوزىنىڭ ينستاگرام پاراقشاسىندا جاريالادى.
فوتوگراف «ءيا، ول ادام! سونىمەن قاتار ول پەرىشتە»، - دەگەن ماتىنمەن جاريالانعان سۋرەت جەلى قولدانۋشىلارىنىڭ كوزىنە بىردەن ءىلىندى.
ال، 5 جاسار قىزدى سۋرەتكە تۇسىرگەن فوتوگراف دجەيردە مودەلدىك تاجىريبە بولماسا دا، ونىڭ كامەرادان قورىقپاي، ءوزىن ەركىن ۇستاعانىن اتاپ ءوتتى.
بامايۆانىڭ ايتۋىنشا، 5 جاسار قىزدىڭ «مىنەزدى، ەكى سۇلۋ اپكەسى بار» جانە دجەير اناسىنا قىزدارعا ارناپ Instagram-دا پاراقشا اشۋعا شابىت بەرگەن كورىنەدى.
الەمدەگى ەڭ ادەمى قىز سانالعان دجەيردىڭ سۋرەتتەرى بىرنەشە كۇننىڭ ىشىندە مىڭداعان لايك جيناعان. ال، ونىڭ سۇلىلىعىنا تامسانعان جەلى قولدانۋشىلارى قىزدىڭ سۋرەتىنە «وتە ادەمى»، «ءسوزسىز سۇلۋ» دەگەن پىكىر قالدىرىپ كەتكەن.
سوعان قاراماستان، فوتوگرافتى فوتو-رەداكتور قولدانىپ، قىزعا جالعان شاش كيگىزىپ قويعان، دەپ ايىپتاعان سىنشىلار دا بولدى. الايدا، وقىرمانداردىڭ باسىم كوپشىلىگى ونى الەمدەگى ەڭ ادەمى قىز دەپ تانىپ، نيگەريالىق قىزدىڭ سۇلۋلىعىنا تاڭداي قاقتى.
