اتىراۋلىق كاسىپكەر وندىرگەن ونىمدەرىن مۇقتاج جاندارعا تەگىن تاراتتى

اتىراۋ. قازاقپارات - اتىراۋلىق كاسىپكەر «امان-ەسەن» شارۋا قوجالىعىنىڭ جەتەكشىسى مۇرات يساعاليەۆ تۇرمىسى تومەن وتباسىلار، جالعىزباستى قارتتار مەن مۇمكىندىگى شەكتەۋلى جاندارعا 2,5 توننا قاربىزدى تەگىن تاراتتى، دەپ حابارلايدى قازاقپارات ءتىلشىسى.
None
None

جىلىوي اۋدانىندا جۇمىسپەن قامتۋ، الەۋمەتتىك باعدارلامالار جانە ازاماتتىق حال اكتىلەرىن تىركەۋ بولىمىندە قايىرىمدىلىق شاراسى ءوتتى.

«ەگىن شارۋاشىلىعىمەن اينالىساتىن كاسىپكەر مۇرات يساعاليەۆ ءبىزدىڭ ءبولىم وتكىزەتىن قايىرىمدىلىق شارالارىنا ءجيى اتسالىسىپ وتىرادى. جىل سايىن ءوزىنىڭ باقشاسىندا وسىرگەن ونىمدەرىنىڭ ءبىر بولىگىن اۋدان تۇرعىندارىنا تەگىن تاراتىپ بەرۋدى داستۇرگە اينالدىرعان. باقشا ونىمدەرىن ساتىپ الۋعا كەيبىر وتباسىلاردىڭ قارجىلىق جاعدايى كەلمەي جاتاتىنى جاسىرىن ەمەس. بيزنەستىڭ الەۋمەتتىك جاۋاپكەرشىلىگىن ءجىتى ۇعىنا بىلەتىن وسىنداي ازاماتتارىمىز كوبەيە بەرسىن. ولاردىڭ ىستەرى باسقا دا كاسىپكەرلەرگە ۇلگى بولسىن»، دەيدى ءبولىم باسشىسى سەرىك قاميدوللا.

جەرگىلىكتى ءتاتتى قاربىزدى تەگىن العان تۇرعىندار جانى جومارت كاسىپكەردىڭ ىسىنە ساتتىلىك تىلەدى.

سوڭعى جاڭالىقتار