گرەپپلينگتەن العاشقى الەم كۋبوگى استانادا وتەدى
بۇل تۋرالى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ حابارلايدى.
28-29- شىلدەدە استانادا كەڭ اۋقىمدى شارا وتەدى. قازاقستاننىڭ باس قالاسىندا گرەپپلينگتەن العاشقى الەم كۋبوگى ۇيىمداستىرىلادى. ءىس-شارانىڭ باستاماشىسى - ق ر گرەپپلينگ اسسوتسياتسيسى. الەم كۋبوگىنا رەسەي، امەريكا قۇراما شتاتتارى، برازيليا، قازاقستان سياقتى ەلدەردىڭ كوماندالارى قاتىسادى دەپ كۇتىلۋدە. كۋبوك ماچتىق كەزدەسۋ تۇرىندە وتەتىن بولادى. ءبىر كوماندا باسقا ءبىر كومانداعا قارسى شىعادى.
«بۇعان دەيىن گرەپپلينگتەن الەم كۋبوگىن ەشبىر ەل ۇيىمداستىرماعان، سول سەبەپتى بۇل شارا ءبىز ءۇشىن وتە ماڭىزدى. قازاقستان - وسىنداي فورماتتاعى جارىستى وتكىزۋگە شەشىم قابىلداعان الەمدەگى العاشقى ەل»، - دەپ اتاپ ءوتتى قازاقستان گرەپپلينگ اسسوتسياتسياسىنىڭ پرەزيدەنتى قانات الين.
سونىمەن قاتار، ءدال وسى كۇندەرى حالىقارالىق Asia Open تۋرنيرى وتەدى. ونىڭ باستى ەرەكشەلىگى كۇرەسۋگە نيەت بىلدىرگەن ازاماتتاردىڭ بارلىعىنا جارىسقا قاتىسۋ مۇمكىندىگى بەرىلەدى. بۇگىنگە دەيىن سپورتتىق باسەكەگە قاتىسۋعا رەسەي، وزبەكستان، قىرعىستان، ليتۆا، ۋكراينا، ا ق ش سياقتى 500 دەن استام سپورتشى ءوتىنىش ءبىلدىرىپتى. بۇدان بۇرىن Asia Open ۇيىمداستىرىلماعان ەدى. ازياداعى گرەپپلينگ كوميتەتىندە بۇل تۋرنيردىڭ گرەپپلينگتى ازيا كونتينەنتىندە عانا ەمەس، كۇللى الەمدە دامىتۋعا ىقپال ەتەتىنىن ايتتى.
بىلتىر قازاقستان گرەپپلينگ اسسوتسياتسياسىنىڭ ۇيىتقى بولۋىمەن ەلوردادا كوپتەگەن جارىستار وتكەن بولاتىن. ولاردىڭ ىشىندە استانادا گرەپپلينگتەن وتكەن العاشقى ازيا چەمپيوناتى، جىل سايىنعى Astana Open تۋرنيرى سياقتى بالالار مەن ەرەسەكتەر اراسىندا وتكەن حالىقارالىق جانە رەسپۋبليكالىق جارىستار، گرەپپلينگتەن قازاقستان بىرىنشىلىگى مەن كۋبوگى بار. وسى رەتتە باتىس، شىعىس، سولتۇستىك، وڭتۇستىك جانە ورتالىق قازاقستاندا وتەتىن 5 تۋرنيردەن تۇراتىن Qazaq Batyry Championship جارىستارى دا ۇلكەن ماڭىزعا يە.
18-19- تامىزدا Qazaq Batyry Chاmpionship- ءتىڭ نەگىزگى كەزەڭى وتەدى. ونىڭ قورىتىندىلارى بويىنشا استانادا وتەتىن جىلدىڭ ەڭ باستى وقيعاسى - 2018-جىلعى الەم چەمپيوناتى دوداسىندا قازاقستاننىڭ نامىسىن قورعايتىن بالۋاندار تاڭدالماق.
ايتا كەتەيىك، گرەپپلينگ - دزيۋدو، سامبو، دجيۋ-دجيتسۋ، ەركىن، گرەك-ريم جانە باسقا كۇرەستىڭ بارلىق ستيلىن قامتيتىن جەكپە-جەكتىڭ ءتۇرى. گرەپپلينگتىڭ ارتىقشىلىعى - سپورتشىلار ەكى سەكتسيا بويىنشا كۇرەسەدى.
سپورتشىلاردىڭ سالماعىن رەسمي ولشەۋ ءراسىمى 27- شىلدەدە ساعات 18:00-دە تۇران كوشەسى، 4/2 مەكەن- جايى بويىنشا ورنالاسقان «داۋلەت» سپورت كەشەنىندە وتەدى.
جەكپە-جەكتەر 28-29- شىلدەدە ساعات 10.00-دە «داۋلەت» س ك- دە وتەدى.
