وسكەمەن قالاسىنىڭ اكىمىنە ايىپپۇل سالىندى
بۇل شەنەۋنىكتىڭ كوپتەن بەرى قوعام نازارىندا جۇرگەنى بەلگىلى. ەستەرىڭىزگە سالا كەتسەك، بيىل 15 - ساۋىردە ريددەر قالاسى اكىمىنىڭ ورىنباسارى باۋىرجان قۇرمانبايەۆ 19 جاستاعى ريددەرلىك ازاماتتى كولىگىمەن قاعىپ، مەرت قىلعان ەدى. وتكەن ايدىڭ سوڭىندا سوت ونى 1 جىلعا باس بوستاندىعىنان ايىرۋ تۋرالى ۇكىم شىعاردى. سول جول اپاتىندا قۇرمانبايەۆتىڭ قاسىندا قۋات تۇمابايەۆ تا بولعان. ءبىراق ول سوتقا تەك كۋاگەر رەتىندە عانا شاقىرىلدى.
دەگەنمەن، تارتىپتىك كەڭەس قالا اكىمىنە «قىزمەتىنە تولىق ساي ەمەس» دەگەن ەسكەرتۋ جاساعان. ەندى تۇمابايەۆ وقيعا بولعان جەردەن وزگەنىڭ كولىگىن جۇرگىزىپ كەتكەنى ءۇشىن اكىمشىلىك جاۋاپقا تارتىلۋى مۇمكىن.
نازگۇل راحمەتۋللينا، وبلىستىق سوت سۋدياسى:
- دەگەنمەن، ول ازامات جەرگىلىكتى پوليتسيا قىزمەتىنىڭ قاۋلىسىن «زاڭسىز» دەپ ساناپ، كەلىسپەي وتىر. سوندىقتان قاۋلى بويىنشا اكىمشىلىك سوتقا شاعىمدانىپ، ءوز قۇقىعىن قورعاماق. نەگىزىنەن ول ق ر اكىمشىلىك قۇقىق بۇزۋشىلىق كودەكسىنىڭ 230-بابى 2- ءبولىمى بويىنشا جاۋاپقا تارتىلىپ وتىر. ەندى سوت بارلىعىن تارازىلاپ، ءادىل شەشىمىن شىعارادى.
www.24.kz
