ەلباسى تاپسىرمالارى مۇلتىكسىز ورىندالۋى كەرەك - باقىتجان ساعىنتايەۆ
ۇكىمەت باسشىسىنىڭ اتاپ وتكەنىندەي، مەملەكەت باسشىسى بيىلعى مامىر ايىنداعى ب ق و- عا جۇمىس ساپارى كەزىندە ءبىرقاتار تاپسىرمالار جۇكتەگەنى ءمالىم.
وسىعان وراي ۇكىمەتتە جوسپار جاسالىپ، بەكىتىلدى. ق ر پرەمەر- ءمينيسترىنىڭ ءبىرىنشى ورىنباسارى اسقار مامين ءتورت جينالىس وتكىزدى. قازىر بۇلاردىڭ ءبارى ۇكىمەتتىڭ تۇراقتى باقىلاۋىندا.
جيىندا ۇكىمەت باسشىسىنىڭ ورىنباسارى ەربولات دوسايەۆ سەلەكتورلىق بايلانىس ارقىلى ەلباسى تاپسىرمالارىنىڭ قالاي ورىندالىپ جاتقانىن بايانداپ بەردى.
بىرىنشىدەن، وڭىردە رەسپۋبليكالىق ماڭىزى بار جولداردى كۇردەلى جوندەۋ ماسەلەسى بويىنشا قوس تاپسىرما بەرىلگەن ەدى. بۇل ورايدا جالپاقتال- قازتالوۆ باعىتىنداعى جولدى كۇردەلى جوندەۋ جۇمىسى باستالىپ، بۇعان رەسپۋبليكالىق بيۋدجەتتەن 1 ميلليارد تەڭگە ءبولىندى. ۇزىندىعى 245 شاقىرىم قازتالوۆ- جانىبەك- رف شەكاراسى- بيسەن- سايقىن جولىن سالۋ ءۇشىن جوبالىق- سمەتالىق قۇجاتتاما جاسايتىن جوبالىق ۇيىم بەلگىلەندى. بارلىق قاراجات قاراستىرىلدى. سونداي- اق ۇزىندىعى 141 ك م پودستەپنىي- فەدوروۆ- ر ف شەكاراسى جولىن قايتا جاڭارتۋ جۇمىسىن كەلەسى جىلى باستاپ، 2021 -جىلى اياقتاۋ كوزدەلۋدە. بۇل ماقساتقا 17,3 ميلليارد تەڭگە كولەمىندە قارجىلاي قولداۋ كورسەتىلدى. قازىرگى كەزدە جوبالىق- سمەتالىق قۇجاتتاما جاساۋ ءۇشىن كونكۋرستىق ءراسىم جۇرگىزىلۋدە.
ەكىنشىدەن، ىشكى نارىققا مۇناي ءونىمى كولەمىن ۇلعايتۋ ماقساتىندا «كوندەنسات» ا ق- نى شيكىزاتپەن قامتۋ ءۇشىن كاسىپورىن مۇناي تاسىمالداناتىن كەستەگە ەنگىزىلدى. كەستەگە سايكەس شىلدە ايىنا 15 مىڭ توننا كولەمىندە كۆوتا بەكىتىلدى. بۇل باعىتتاعى جۇمىس جالعاسادى.
ۇشىنشىدەن، قورعانىس ونەركاسىبى كەشەنى سالاسىنداعى «باتىس قازاقستان ماشينا جاساۋ كومپانياسى»، «ورال «زەنيت» زاۋىتى»، «گيدروپريبور» ع ز ي سىندى كاسىپورىنداردى مەملەكەتتىك تاپسىرىستارمەن قامتۋ باعىتىندا ناقتى شارالار قابىلداندى.
تورتىنشىدەن، «ومەگا» پريبور جاساۋ زاۋىتىنىڭ 100 پايىز اكسياسىن «ورال ترانسفورماتور زاۋىتىنا» سەنىمگەرلىك باسقارۋعا بەرۋ ماسەلەسى شەشىلۋ ۇستىندە.
بۇدان كەيىن باتىس قازاقستان وبلىسىنىڭ اكىمى التاي كولگىنوۆ جانە مينيسترلىكتەر باسشىلارى ءسوز الىپ، بيىلعى العاشقى جارتىجىلدىق قورىتىندىلارىنا، سونىڭ ىشىندە كەيبىر كورسەتكىشتەردىڭ كەمشىن ءتۇسىپ جاتقانىنا، ولاردى بىرلەسىپ جويۋ جولدارىنا توقتالدى.
جيىندى قورىتىندىلاعان ۇكىمەت باسشىسى باتىس قازاقستان وبلىسىندا اتقارىلعان جۇمىستارعا وڭ باعا بەرە وتىرىپ، جىل سايىن ەلىمىزدىڭ دامۋىندا العا باسۋشىلىقتارعا قول جەتكىزۋ ءۇشىن وڭىرلەردىڭ دە سوعان ساي بولۋى كەرەكتىگىن اتاپ كورسەتتى.
«وبلىستا ەلباسى تاپسىرماسىنا سايكەس جولدار مەن الەۋمەتتىك نىساندار سالىنۋدا. اگروونەركاسىپ كەشەنىندە قايتا وڭدەۋ كاسىپورىندارى تابىسقا جەتىپ كەلەدى. مۇنىمەن توقتاپ قالماي، باسقا سالالاردى دا دامىتۋ كەرەك. مىسالى، قاراشىعاناق كەنىشىندە وندىرىستىك كورسەتكىشتەر بار، ينۆەستيتسيا قۇيىلۋدا. ايتسە دە قازاقستاندىق ۇلەس ويداعىداي بولماي وتىر. ول 1-2 پايىزعا ەمەس، ودان كوبىرەك نەگە وسپەيدى. 56 پايىز دا از، 96 پايىزعا نەگە جەتكىزبەسكە. قازاقستاندىق ۇلەس كوبەيسە، جەرگىلىكتى كاسىپورىندار دا دامىپ، تىنىسى اشىلادى. سونىمەن قاتار قازاقستاندىق كادرلاردى دايارلاۋ ماسەلەسىن دە ۇمىتپاۋ قاجەت. قولىنان جۇمىس كەلەتىن ادامداردى وقىتىپ، قاجەتتى سالاعا قوسۋدىڭ ماڭىزى زور. سيفرلاندىرۋ، ءوندىرىس ورىندارىن جاڭعىرتۋ جۇمىستارىن ودان ءارى جالعاستىرۋ كەرەك»، دەدى باقىتجان ساعىنتايەۆ.
اۆتور: ەلجان ەرالى
