جاپونيادا «اۋم سينريكيە» ۇيىمىنىڭ مۇشەلەرى دارعا تارتىلدى
شىلدە ايىنىڭ باسىندا «اۋم سينريكيە» ۇيىمىنىڭ جەتەكشىسى سيەكو اساحارۋ (تيدزۋو ماتسۋموتو) مەن ۇيىمنىڭ وزگە التى مۇشەسى دارعا تارتىلعان.
2014 -جىلى جاپون سوتى 1995 -جىلعى ناۋرىزدا توكيو مەتروسىندا كوپ ادامنىڭ قازاسىنا سەبەپ بولعان شابۋىلعا ايىپتى دەپ تانىلعان سيەكو اساحارۋ مەن ونىڭ 12 جاقتاسىن دارعا تارتۋ تۋرالى ۇكىم شىعارعان بولاتىن. مەترودا زارين گازىن قولدانىپ جاسالعان شابۋىل سالدارىنان 13 ادام قازا تاۋىپ، التى مىڭنان اسا ادام زارداپ شەككەن.
الەمنىڭ ءبىرقاتار ەلىندە قىزمەتىنە تىيىم سالىنعان «اۋم سينريكيە» ەكسترەميستىك توبىنىڭ ءىسى بويىنشا سوت پروتسەسى 20 جىلدان استام ۋاقىتقا سوزىلعان. ادۆوكاتتارى سوت ۇكىمىنە شاعىم ءتۇسىرىپ، جوعارعى سوتقا دەيىن بارعانىمەن، ۇكىم كۇشىندە قالعان. سوڭعى بىرنەشە جىلدا ماتسۋموتو ءوز وتباسى مۇشەلەرى نەمەسە ادۆوكاتتارىمەن كەزدەسۋدەن باس تارتقان.
«اۋم سينريكيە» ۇيىمى 1980 -جىلدارى جاپونيادا قۇرىلعان. كەي مالىمەتتەر بويىنشا، ۇيىمعا مۇشە ادام سانى 30 مىڭنان 50 مىڭعا دەيىن جەتكەن.
www.azattyq.org
