14:17, 26 - شىلدە 2018 | GMT +5
قىتايدا ا ق ش ەلشىلىگىنىڭ جانىندا جارىلىس بولدى
بەيجىڭ. قازاقپارات - بۇگىن استانا ۋاقىتى بويىنشا ساعات 11 لەر شاماسىندا قىتايداعى ا ق ش ەلشىلىگى عيماراتىنىڭ جانىندا جارىلىس بولدى، دەپ حابارلايدى قازاقپاراتتىڭ قىتايداعى مەنشىكتى ءتىلشىسى.
جارىلىستىڭ بولعانى تۋرالى رەسمي اقپارات جوق. وقيعا جايىندا ءارتۇرلى مالىمەتتەر تاراۋدا. كەيبىر كۋاگەرلەردىڭ ايتۋىنشا، چاويان اۋدانىنىڭ تيانتسزىلۋ جانە انتسزيالوۋ كوشەلەرىنىڭ قيىلىسىندا تۇرعان ەر ادامنىڭ قولىندا پەتارداعا نەمەسە وت شاشاتىن زاتقا ۇقسايتىن قۇرال بولعان. ول قىتاي حالىق رەسپۋبليكاسىنىڭ ىشكى موڭعوليا اۆتونومدىق اۋدانىنا قاراستى تۋنلياو قالاسىنىڭ 26 جاستاعى تسزيان موۋموۋ ەسىمدى تۇرعىنى بولىپ شىقتى. تسزيان موۋموۋدىڭ قولى جاراقاتتانىپ، اۋرۋحاناعا جەتكىزىلگەن.
باسقا زارداپ شەككەن ادامدار جوق.
قازىرگى ۋاقىتتا وقيعا ورنىندا تەرگەۋ جۇمىستارى جۇرگىزىلىپ جاتىر. ءدال وسى ۋاقىتتا ا ق ش ەلشىلىگى عيماراتى ماڭىندا ۇستىنە بەنزين توگىپ، ءوزىن-ءوزى ورتەمەكشى بولعان ايەل ادام ۇستالدى.
