يەسىنىڭ كوڭىل-كۇيى يتتەرگە قالاي اسەر ەتەتىنى بەلگىلى بولدى
بۇل تۋرالى Phys.org جۋرنالىنا سىلتەمە جاساپ Stan.kz حابارلايدى.
عالىمدار 34 ءتۇرلى تۇقىمدى يتتەر مەن ولاردىڭ يەلەرى قاتىسقان زەرتتەۋ جۇرگىزدى. زەرتتەۋ بارىسىندا يتتەردى بولەك قاماپ، يەسىمەن اراسىنا ءمولدىر شىنىدان جاسالعان ەسىك قويىلىپ، ول ماگنيتتى قۇلىپپەن جابىلعان. مۇنان كەيىن يەلەرى جىلاپ نەمەسە بەسىك جىرىن ايتا باستاعان.
انىقتالعانداي، يەسىنىڭ جىلاعانىن ەستىگەن يتتەر ەسىكتى اشۋعا ءۇش ەسە جىلدام اسىققان. سونىمەن قاتار بۇل كەزدە يتتەردەگى كۇيزەلىس دەڭگەيى دە ولشەنىپتى. ناتيجەسىندە ەسىكتى اشۋعا تىرىسپاعان ءۇي جانۋارىنداعى كۇيزەلىس دەڭگەيى اناعۇرلىم جوعارى بولعانى بايقالدى. ياعني ولار يەسىنىڭ جانىنا بارا الماعانى جانە دارمەنسىزدىگى ءۇشىن قاتتى ۋايىمداعان.
«يتتەر ادامداردىڭ جانىندا مىڭداعان جىلدار بويى بولعان. سوندىقتان ولار ءبىزدىڭ الەۋمەتتىك دابىلدارىمىزدى اڭعارۋدى ۇيرەنىپ الدى»، - دەيدى زەرتتەۋ اۆتورلارىنىڭ ءبىرى ەميلي سەنفورد.
