الماتىدا ەرلى-زايىپتى حراپۋنوۆتاردىڭ سوتى ءوتىپ جاتىر

الماتى. قازاقپارات - الماتى قالاسى قىلمىستىق ىستەر جونىندەگى مامانداندىرىلعان اۋدانارالىق سوتىندا ەرلى-زايىپتى حراپۋنوۆتارعا قاتىستى الدىن الا سوت تىڭدالىمى باستالدى، دەپ حابارلايدى قازاقپارات ءتىلشىسى.

سوت قاۋلىسىنا سايكەس، ۆيكتور مەن لەيلا حراپۋنوۆتاردان وزگە سوتتالۋشىلار قۋاندىق بەكسۇلتانوۆ، التاي قاسىموۆ، ياكوۆ زاياتس، اباي ساپاروۆ، سەريك ەسمۇحانوۆ، ايار يلياسوۆ، ايناكۇل سادىقبايەۆا، ابدۋل-عازيز مۇقاشەۆ، ابىلايحان قارىمساقوۆ، عابيدەن قايىمسۇلتانوۆتىڭ ىستەرى قارالۋدا.

ەرلى-زايىپتى حراپۋنوۆتار ۇيىمداسقان توپپەن بىرگە مەملەكەت مەنشىگىن ۇرلاۋ، لاۋازىمدىق وكىلەتتىكتى اسىرا پايدالانۋ، الاياقتىق، پارا الۋ، قىلمىستىق جولمەن الىنعان مۇلىكتى زاڭداستىرۋمەن ايىپتالعان. قىلمىستىق ارەكەتتەردەن مەملەكەتكە 250 ميلليون ا ق ش دوللارىنان اساتىن شىعىن كەلگەن.

ۆيكتور مەن لەيلا حراپۋنوۆتار، ايار يلياسوۆقا سىرتتاي قاماۋعا الۋ تۇرىندە بۇلتارتپاۋ شاراسى قولدانىلدى. قالعان تۇلعالاردان ەشقايدا كەتپەۋ تۋرالى قولحات الۋ شاراسى تىڭدالدى.

سوت ىسىنە سۋديا قاسىم قالماعامبەتوۆ ءتوراعالىق ەتتى. الدىن الا تىڭداۋعا مەملەكەتتىك ايىپتاۋشى مەن سوتتالۋشىلاردىڭ قورعاۋشىلارى، جابىرلەنۋشىلەر قاتىستى.