د س ۇ- نى رەفورمالاۋ: ەۋروپالىق وداق پەن ا ق ش بىرلەسىپ جۇمىس ىستەمەك
بۇل تۋرالى ەۋروكوميسسيانىڭ باسشىسى جان-كلود يۋنكەر مەن ا ق ش پرەزيدەنتى دونالد ترامپتىڭ كەزدەسۋىنەن كەيىن ە و مەن ا ق ش- تىڭ بىرلەسكەن مالىمدەمەسىندە ايتىلدى.
«بۇگىن ءبىز امەريكالىق جانە ەۋروپالىق كومپانيالاردى جاھاندىق ساۋداداعى جوسىقسىز ساۋدا تاجىريبەسىنەن قورعاۋ ءۇشىن كۇش بىرىكتىرۋگە كەلىستىك»، - دەلىنگەن سارسەنبى كۇنى كەشكە ە ك تاراتقان حابارلاماسىندا.
«سوندىقتان، ءبىز د س ۇ- نى رەفورمالاۋ جانە زياتكەرلىك مەنشىكتى ۇرلاۋ، تەحنولوگيالاردى ماجبۇرلەپ بەرۋ، ونەركاسىپتىك سۋبسيديالار، مەملەكەتتىك كاسىپورىندار جاسايتىن بۇرمالانۋلار جانە ارتىق ءوندىرۋ سياقتى جوسىقسىز ساۋدا ادىستەرىن جويۋعا ۇمتىلاتىن سەرىكتەستەرمەن تىعىز جۇمىس ىستەيتىن بولامىز»، - دەلىنگەن قۇجاتتا.
ەۋرووداق پەن ا ق ش ساۋدا-ساتتىقتى جەڭىلدەتۋ جانە كەڭەيتۋ بويىنشا جۇمىس ىستەۋگە نيەتتى.
سونداي-اق، تاراپتار ساۋدا-ساتتىقتى جەڭىلدەتۋ، بيۋروكراتيالىق كەدەرگىلەردى ازايتۋ، شىعىنداردى قىسقارتۋ ءۇشىن تالاپتار بويىنشا تىعىز ديالوگ باستاۋعا» كەلىستى، سونداي-اق «بولات جانە اليۋميني ءۇشىن تاريفتەر ماسەلەلەرىن شەشۋگە» دايىن ەكەندىكتەرىن ءبىلدىردى.
