زارينا نۇرلانوۆا پرەمەر-ءمينيستردىڭ باسپا ءسوز حاتشىسى قىزمەتىنە كەلدى
بۇل تۋرالى پرەمەر-ءمينيستردىڭ باسپا ءسوز قىزمەتىنە سىلتەمە جاساپ Stan.kz حابارلايدى.
«زارينا نۇرلانوۆا ق ر پرەمەر-ءمينيسترىنىڭ وكىمىمەن ق ر پرەمەر-ءمينيسترىنىڭ باسپا ءسوز قىزمەتىنىڭ باسشىسى - ق ر پرەمەر-ءمينيسترىنىڭ باسپا ءسوز حاتشىسى لاۋازىمىنا تاعايىندالدى»، - دەلىنەدى حابارلامادا.
زارينا نۇرلانوۆا 1986-جىلى الماتى وبلىسىنىڭ تالدىقورعان قالاسىندا دۇنيەگە كەلگەن. 2008-جىلى قازاق گۋمانيتارلىق زاڭ ۋنيۆەرسيتەتىن «الەۋمەتتانۋ» ماماندىعى بويىنشا، 2017-جىلى «كازگيۋۋ ۋنيۆەرسيتەتى» ا ق جانە UBIS ۋنيۆەرسيتەتىن ىسكەرلىك اكىمشىلىكتەندىرۋ ماماندىعى بويىنشا ءتامامداعان. قازاق، ورىس جانە اعىلشىن تىلدەرىن مەڭگەرگەن.
ەڭبەك جولىن 2009-جىلى «Arna Media Advertising» ج ش س مەنەدجەرى رەتىندە باستاعان. ءتۇرلى جىلدارى «قازكونتەنت» ا ق اتقارۋشى، باسقارۋشى ديرەكتورى، باسقارما ءتوراعاسىنىڭ ورىنباسارى بولىپ قىزمەت ەتكەن، ەۋرازيالىق ينتەگراتسيا ينستيتۋتىن باسقارعان، سونداي-اق، ق ر اقپارات جانە كوممۋنيكاتسيالار ءمينيسترىنىڭ كەڭەسشىسى لاۋازىمىن اتقارعان.
