يزرايل سيريانىڭ اسكەري ۇشاعىن اتىپ ءتۇسىردى
يزرايل قورعانىس مينيسترلىگىنىڭ حابارلاۋىنشا، ۇشاق ەل اۋماعىنىڭ كەڭىستىگىنە 2 شاقىرىمعا دەيىن كىرىپ كەتكەن. اليدا رەسمي داماسك بۇل مالىمدەمەنى جوققا شىعارىپ وتىر.
سيريا تاراپىنىڭ مالىمدەۋىنشە، ول شەكارا ماڭىنداعى لاڭكەستىك توپتارعا سوققى بەرىپ، كورشى مەملەكەتتىڭ اۋماعىنا وتپەگەن.
ەسكە سالا كەتەيىك، يزاريل گولان جوتالارىن 1967 -جىلعى 6 كۇندىك سوعىس كەزىندە باسىپ العان بولاتىن. 7 جىلدان كەيىن قوس تاراپ سوعىستى ۋاقىتشا توقتاتۋ تۋرالى كەلىسىمگە كەلەدى.
بينيامين نەتانياحۋ ، يزرايل پرەمەر- ءمينيسترى:
- بۇل 1974 -جىلعى كەلىسىمدى ورەسكەل بۇزۋ بولىپ تابىلادى. ءبىز شەكارا ماڭىندا بۇنداي ارەكەتكە جول بەرمەيمىز. سوندىقتان سيريا تاراپىن اتالعان كەلىسىمدى ساقتاۋعا شاقىرامىز. ال سوڭعى مالىمەتتەرگە قاراعاندا سيريا اسكەريلەرى يوردانيا مەن يزرايل شەكاراسى ماڭىنداعى ەل- كۋنەيترا مەن دەراا ايماعىنا بەكىنگەن لاڭكەستەرگە اۋەدەن سوققى بەرۋدە. قازىرگە دەيىن ۇكىمەت جاساقتارى ەكى ەلدىڭ شەكاراسىنا جاقىن جاتقان بىرنەشە ەلدى مەكەندى ازات ەتكەن.
www.24.kz
