شايدىڭ ەمدىك قاسيەتتەرى

 استانا. قازاقپارات - ءبىر رەت پايدالانىلعان شاي قالتاشاسىن تاستاپ جىبەرۋگە اسىقپاڭىز. ولار سىزگە تاعى دا كەرەك بولادى.

جالپى حالىقتىق مەديتسينادا شايدىڭ ەمدىك قاسيەتتەرى تۋرالى كوپ ايتىلادى. اسىرەسە ونى شىعىس ەمشىلەرى ءتۇرلى اۋرۋلارعا مىڭ دا ءبىر ەم دەپ ەسەپتەيدى ەكەن.

نازارلارىڭىزعا شاي قالتاشاسىن پايدالانعاننان سوڭ تاعى دا قاي جەرلەرگە قولدانۋعا بولاتىنى تۋرالى قىزىقتى مالىمەتتەردى ۇسىنامىز.

1. ىدىستاردى توت باسۋدان قورعايدى اسۇيدەگى تەمىردەن جاسالعان ىدىستاردى شاي قالتاسىمەن ءسۇرتىپ تۇرىڭىز. ونىڭ قۇرامىنداعى تانين ىدىستى توت باسۋدان قورعايدى.

2 ماكارون مەن داننەن دايىندالاتىن تاعامدارعا دامدەۋىش رەتىندە پايدالانىڭىز شاي قالتاشاسىن سۋعا سالىپ قايناتىڭىز. قايناعان سۋعا ماكارون نەمەسە داننەن دايىندالاتىن تاعامدى سالىڭىز. تاعامىڭىز ەرەكشە دامگە يە بولادى.

3. ەتتى جۇمسارتادى شاي ەتتىڭ قاتتى بولىپ كەتۋىنىڭ الدىن الادى جانە وعان ەرەكشە ءدام بەرەدى.

4. ىدىستاعى مايدى تازالايدى پايدالانىلعان شاي قالتاشاسىن ىستىق سۋعا باتىرىپ، وعان ماي ىدىستاردى سالىپ قويساڭىز، كوپ وتپەي ىدىستارىڭىز ايناداي جىلتىراپ شىعا كەلەدى.

5. ءۇي تازالاعاندا قولدانىڭىز ۇيدەگى اعاشتان جاسالعان جيھازدار مەن ەدەن جۋۋدا شاي قالتاشاسىن پايدالانۋعا بولادى.

6. قولداعى جاعىمسىز ءيىستى كەتىرەدى قولىڭىزدى قولدانىلعان شاي قالتاشاسىمەن سۇرتسەڭىز، بالىق، پياز، سارىمساق سياقتى وتكىر يىستەر لەزدە جوعالادى.

7. ۇيدەگى حوش ءيىستى جاقسارتادى توڭازىتقىش، قوقىس شەلەگى باسقا دا جەرلەرگە قويىلعان شاي قالتاشاسى ۇيگە جاعىمسىز ءيىستىڭ تارالۋىنا جول بەرمەيدى. تەك ولاردى ءجيى- ءجيى اۋىستىرىپ تۇرۋدى ۇمىتپاڭىز.

8. كىلەمدەردى تازالاۋدا قولدانىڭىز كىلەمدى تازالاۋعا ءبىرشاما كوپ شاي قالتاشاسى كەرەك بولادى. سوندىقتان، ولاردى سۋىق سۋعا سالىپ جيناۋ كەرەك. كىلەمگە جەتەتىندەي مولشەردە جينالعاننان كەيىن ولاردى سۋىق سۋدان الىپ جارتىلاي قۇرعاتىڭىز. سوسىن قالتاشاداعى شايدى كىلەم ۇستىنە جايىپ شىعىڭىز. ءبىرازدان سوڭ شاڭسورعىشپەن تازالاپ الساڭىز، كىرمەن بىرگە جاعىمسىز ءيىس تە كەتەدى.

9. ۇيدەگى زياندى جاندىكتەردەن ارىلىڭىز تىشقان، ورمەكشى جانە وسى سياقتى ۇيدە بولاتىن زياندى جاندىكتەر شاي ءيىسىن جاقتىرمايدى. ءۇيدىڭ ءار بۇرىشىنا قولدانعان شاي قالتاشاسىن قويىپ قويساڭىز ولاردان كوپ وتپەي قۇتىلاسىز.

10. سۇيەلدى كەتىرەدى سۇيەلدى كەتىرۋدىڭ ەڭ جاقسى ءتاسىلى - كوك شاي قالتاشاسىن پايدالانۋ. سۇيەل شىققان جەرىڭىزگە قولدانعان كوك شاي قالتاشاسىن قويىڭىز. 15 مينۋتتان سوڭ جاڭاسىنا اۋىستىرىڭىز. وسىلاي بىرنەشە كۇن ەكى رەتتەن وسى ءتاسىلدى قولدانساڭىز سۇيەل ءوز- وزىنەن جوعالىپ كەتەدى.

11. قاندى توقتاتادى ەگەر قولىڭىزدى نەمەسە دەنەڭىزدىڭ باسقا جەرىن ابايسىزدا جاراقاتتاپ الساڭىز، ەسكى شاي قالتاشالارىن قاناپ تۇرعان جەرگە باسىڭىز. قان تەز توقتايدى.

12. تەرى ينفەكسيالارىنا قارسى كۇرەسەدى شاي كونيۋنكتيۆيت، گەرپەس سىندى تەرى اۋرۋلارىنا قارسى ەم.

13. اۋىزداعى جاعىمسىز ءيىستى كەتىرەدى اۋىزدان شىعاتىن جاعىمسىز يىستەن كوپتەگەن ادام زارداپ شەگەدى. اۋىزداعى يىستەن ارىلعىڭىز كەلسە كوك شايدان پايدالانىڭىز. ول ءتىس قاناۋىن دا توقتاتادى.

14. كوز اينالاسىنداعى قارا داقتار مەن ءىسىنۋدى كەتىرەدى شاي قالتاشالارىن مۇزداتىپ كوزىڭىزگە ءبىراز ۋاقىت باسىپ ۇستاپ تۇرساڭىز، ونىڭ قۇرامىنداعى كوفەين قارا داقتار مەن ءىسۋدى جويادى. ال، شايداعى انتيوكسيدانتتار قان اينالىمىن جاقسارتادى.

15. شاش تۇسۋىنە قارسى ەم شاشتى جۋعاننان سوڭ شايمەن شاشىڭىزدى قايتارا جۋساڭىز شاشىڭىزدىڭ ءتۇسۋى توقتاپ، تەز وسەدى.

Massaget.kz