ۇيقىدان ەرتە ويانۋدىڭ سەبەپتەرى
ەرتە تۇرۋ ءبىر جاعىنان ادەپ، ءتارتىپ سانالسا، ەكىنشى جاعىنان دەنساۋلىققا دا پايدالى.
«ەرتە تۇرعان ەركەكتىڭ ىرىسى ارتىق، ەرتە تۇرعان ايەلدىڭ ءبىر ءىسى ارتىق» دەگەن ءسوزدى اتا- بابامىز بەكەر ايتپاعان.
ەندەشە ەرتە تۇرۋدىڭ ءتيىمدى جاقتارىن سانامالاپ كورەيىك.
1. تاڭەرتەڭ ءتۇيىندى ماسەلەر تۋرالى شەشىم قابىلداۋ وڭاي پسيحولوگتاردىڭ پىكىرىنشە، ادامنىڭ ىشكى (رۋح) كۇشى دە سىرتقى بۇلشىق ەت كۇشى سياقتى شارشايدى. ىشكى ەنەرگيا كۇنى بويى جاساعان تىنىمسىز جۇمىس اسەرىنەن ازايادى. سول ءۇشىن ميعا سالماق تۇسىرەتىن قيىن ءىستى ورىنداۋ كەرەك بولسا، تاڭەرتەڭنەن قالدىرماعان ابزال.
كەشكە ءبارىبىر ونى ورىنداماۋ ءۇشىن مىڭ ءبىر سىلتاۋ ويلاپ تاباسىز.
2. ەرتە ويانساڭىز ۋاقىتىڭىز كوبىرەك بولادى ەگەر كۇن شىعار-شىقپاس ءسىز دە قوزعالىپ نەمەسە جۇمىسقا جينالىپ، ەرتەرەك ارەكەتتەنسەڭىز، جۇيكەڭىز دە تىنىش بولادى. بوس، كەپتەلىسسىز كوشەمەن جۇمىس ورنىڭىزعا وڭاي جەتىپ الاسىز. بۇكىل الەم ۇيقىدا كەزدە ءوزىڭىز قالاعان ىسپەن اينالىسۋعا دەگەن قىمبات ۋاقىتتى ارناي الاسىز.
3. تاڭەرتەڭ ەرتە تۇرۋ - جان تىنىشتىعى تاڭەرتەڭ تۇرىپ Facebook نەمەسە باسقا الەۋمەتتىك جەلىلەردى اشساڭىز، 3-4 جاڭالىقتى عانا كورەسىز، ەلەكتروندى پوشتاڭىزعا دا حات كەلمەگەن. جاڭالىق تاراتۋشى سايتتارعا دا حابارلار شىعارىپ ۇلگەرمەگەن. تىپ- تىنىش...
4. تاڭەرتەڭگى جاقسى كوڭىل- كۇي ءونىمدى ەڭبەكتىڭ كەپىلى ەگەر جوسپارىڭىزداعى ىستەردىڭ بىرەۋىن بولسا دا تاڭەرتەڭ ورىنداي الساڭىز، باسقالارىنا دا ۋاقىت جەتەدى. ءتىپتى، تۇستەن كەيىن سىزدە جۇمىستان تىس بوس ۋاقىت قالۋى ىقتيمال. ۇيقىدان كەش ويانىپ، ءدال وسى كۇنىڭىزدى تۇسكە جاقىن باستاساڭىز، وندا كۇنى بويى اسىعىس ءىس-اركەت ءسىزدى كەشكە دەيىن قاجىتىپ جىبەرەدى.
5. تاڭەرتەڭ ميعا سالماق از تۇسەدى، زورىعۋ بولمايدى انىعىندا زورىعۋ مۇلدە بولمايدى. بۇل ۋاقىتتاعى كوڭىل- كۇيىڭىز - كۇننىڭ العاشقى ساۋلەسى شاعىلىسىپ جاتقان سۋ بەتىنە ۇقساپ نۇرلانىپ تۇرادى. مۇنداي كوڭىل- كۇيمەن كەز كەلگەن جۇمىسقا شابىتپەن كىرىسۋگە بولادى. اتاقتى اقىن-جازۋشىلار دا جازۋىن تاڭەرتەڭ باستاعانى بەكەر ەمەس.
كۇن شىقپاي جازۋعا وتىرۋدىڭ تيىمدىلىگى تۋرالى ايگىلى جازۋشى مۇحتار ماعاۋين «مەن» اۆتوبيوگرافيالىق شىعارماسىندا ەگجەي- تەگجەيلى ايتىپ وتكەن.
