ون ءبىر ءتىل بىلەتىن پوليگلوتتىڭ تاجىريبەسى
لۋكانىڭ پىكىرىنشە، پوليگلوت بولۋ اسا قيىن ەمەس. ونىڭ اعىلشىن، فرانسۋز، نەمىس، يسپان، گوللاند، شۆەد، ورىس، پولياك، پورتۋگال، قىتاي جانە جاپون تىلدەرىن ۇيرەنۋ كەزىندەگى تاجىريبەسىن سىزدەرمەن ءبولىسۋدى ءجون كوردىك.
اعىلشىن ءتىلى «ءتىلدى ۇيرەتۋ مۇمكىن ەمەس. ونى ۇيرەنۋ كەرەك. ءتىل ۇيرەنۋ ماقساتىندا ماماننىڭ نەمەسە دوسىڭنىڭ كومەگىنە جۇگىنۋ جاقسى. ءبىراق ولار سىزگە نۇسقاۋشى ەمەس، گيد بولسىن»، - دەيدى لۋكا. ول 13 جاسقا تولعاندا اتا-اناسى قوسىمشا وقىتۋ ءۇشىن اعىلشىن ءتىلى وقىتۋشىسىن جالداعان. لۋكانىڭ ايتۋىنشا، العاشقى ءتىلدى ۇيرەتكەن وقىتۋشى ونىڭ باسقا تىلدەردى ۇيرەنۋگە دەگەن ىنتاسىن وياتقان.
اعىلشىن ءمۇعالىمى ءتىلدى ۇيرەنۋدەن بۇرىن سول ءتىلدى ءسۇيۋدى ۇيرەتكەن ەكەن. فرانسۋز ءتىلى ءتىل - جاڭا دۇنيەلەر ەسىگىن اشاتىن كىلت. بارلىق كەدەرگىلەردى ۇمىتىپ، ۇيرەنەتىن ءتىلىڭىز قولدانىلاتىن مەملەكەتكە، ادامدارىنا، ۇلتتىق تاعامدارىنا، سالت- داستۇرىنە كوڭىل بولگەنىڭىز ءلازىم.
مىسالى، لۋكا فرانسۋز ءتىلىن ۇيرەنۋ ءۇشىن كۇنىنە 2 ساعاتتان فرانسۋز تەلەارنالارىن قاراعان. 1 -جىلدان سوڭ فرانسۋزشا ەركىن سويلەپ كەتكەن. ارينە، بۇل جەتكىلىكسىز. لۋكا فرانسۋز ءتىلىن تەرەڭدەتىپ ۇيرەنۋ ماقساتىندا پاريجگە بارىپ 3 جىل تۇرعان. فرانسۋزداردىڭ ادەبيەتى، مادەنيەتى، تاريحى، ءتىپتى ولاردىڭ تىلىندەگى يۋموردىڭ ىشكى «اسحاناسىنا» دەيىن ۇيرەنگەن.
نەمىس ءتىلى «بارلىعىنا بىردەي ىڭعايلى ءتىل ۇيرەنۋ ءتاسىلى جوق. وزىڭىزگە ۇنايتىنىن تاۋىپ الىڭىز. سودان سوڭ ءسىز كەز كەلگەن ءتىلدى وزدىگىڭىزدەن ۇيرەنە الاسىز»، - دەيدى پوليگلوت. لۋكانىڭ نەمىس ءتىلىن ۇيرەنۋىنە 1,5 جىلداي ۋاقىت كەتكەن. كەيىن ول كەزەكتى ايلىق دەمالىسى كەزىندە ساياحاتتاپ ءجۇرىپ نەمىس توبىمەن تانىسقان.
ارالاسا كەلە لۋكا نەمىس مادەنيەتىن جان- جاقتى ۇيرەنەدى. بۇل دا ونىڭ نەمىس ءتىلىن ەركىن مەڭگەرىپ كەتۋىنە سەپتىگىن تيگىزەدى.
گوللاند ءتىلى
يتالياداعى ساردينيا ارالىندا دەمالىپ جۇرگەن لۋكا نيدەرلانديالىق قىزدى كەزدەستىرەدى. ول ارالداعى نەگىزگى قارىم- قاتىناس ءتىلى - اعىلشىن ءتىلىن جەتىك بىلمەيتىن.
گوللاند قىزبەن از- كەم تىلدەسكەن سوڭ، لۋكا گوللاند ءتىلىن ۇيرەنۋدى باستايدى. سول تىلدەگى جۋرنالداردى وقىپ، باعدارلاماردى كورەدى. گوللاند كورشىسىمەن ونىڭ انا تىلىندە سويلەسىپ جاتتىعادى. گوللاند ءتىلى كەرەكسىز تىلدەر قاتارىنا جاتادى ەكەن. سەبەبى ولاردىڭ بارلىعى اعىلشىن ءتىلىن بىلەدى.
ءبىراق، لۋكا الەمدە كەرەكسىز ءتىل جوق دەپ ەسەپتەيدى. ءتۇپتىڭ-تۇبىندە ءسىز ۇيرەنگەن ەڭ ەلەۋسىز ءتىل دە كومەگىن تيگىزەدى.
شۆەد ءتىلى
لۋكا تىلدەردى مەڭگەرۋ قابىلەتىن جەتىلدىرۋ ماقساتىندا سكانديناۆيالىق تىلدەردىڭ ءبىرىن زەرتتەۋدى ويلايدى. ناتيجەسىندە شۆەد ءتىلىن ۇيرەنۋدى قولعا الادى.
شۆەد ءتىلىنىڭ ەرەكشە ينتوناتسياسى ارقىلى كەرەمەت اۋەزدى دىبىس شىعادى. باستاپقىدا وعان ءتىلدى ۇيرەنۋ قيىنعا سوقتى. 2004 -جىلى ستوكگولمگە ساياحاتتاپ كەلگەن ول شۆەد مادەنيەتىنە تاڭ قالادى. شۆەد تىلىندە كىتاپتار وقىپ، كينولار كورەدى. لۋكانىڭ ايتۋىنشا، شۆەدتەر وتە قوناقجاي حالىق. ەگەر ءسىز ولاردىڭ تىلىندە سويلەپ تۇرساڭىز قۇرمەتپەن قارايدى.
يسپان ءتىلى
لۋكانىڭ ايتۋىنشا، يسپان جانە يتاليا ءتىلى (انا ءتىلى) ءبىر- بىرىنە وتە ۇقساس: ولار ءارتۇرلى، ءبىراق بىردەي.
بۇل تىلدەردىڭ جالپى قۇرىلىمىندا ۇقساستىقتارى بار، ولاردىڭ اراسىندا ايتىلۋ، ينتوناتسيا جانە يديومالاردى قولدانۋ تۇرعىسىنان ايىرماشىلىقتار بولعانىمەن، وتە از. 2007 -جىلى لۋكا ستۋدەنتتىك ءبىلىم الماسۋ باعدارلاماسىمەن بارسەلوناعا بارىپ، ءومىر ءسۇرىپ، جەرگىلىكتى حالىقپەن يسپانشا سويلەسەدى.
سونىڭ ناتيجەسىندە لامپاريەللو بۇگىندە يسپان تىلىندە ەركىن سويلەيدى. ونىڭ پىكىرىنشە، باسقا تىلدەردى ۇيرەنۋ ءۇشىن ءوز تىلىڭىزگە ۇقساس تىلدەردەن باستاعان ءجون ەكەن.
ورىس ءتىلى
ورىس ءتىلى لۋكاعا ەكزوتيكالىق ءتىل سياقتى كورىندى: باي، تالعامپاز جانە كۇردەلى. ول ءۇشىن ورىس تىلىندە سويلەۋ كۇردەلى ماتەماتيكالىق ماسەلەنى شەشۋ سياقتاندى. 8 ايلىق تىنىمسىز ەڭبەك تە ايتارلىقتاي ناتيجە بەرمەدى.
ءتىپتى، لۋكا ورىس ءتىلىن ۇيرەنۋدى توقتاتۋ كەرەك دەپ تە ەسەپتەدى. تەك 3 جىلدان كەيىن عانا «YouTube» كانالىندا ورىس تىلىندە بلوگ جۇرگىزۋدى باستايدى. ورىس كورەرمەندەردىڭ قۋانىشى وعان جاڭا موتيۆاتسيا سىيلايدى. وسىدان سوڭ ول ورىس ءتىلىن ۇيرەنۋدى قايتا جالعاستىرعان.
«ەگەر ءبىر ءتىلدى ۇيرەنۋ قيىندىق تۋعىزسا، سول ەلگە ساياحاتتاڭىز، سول تىلدەگى كينولاردى كورىڭىز، سول تىلدە «YouTube»- تا ۆيدەو جۇرگىزىڭىز. وسىلاردىڭ ءبىرى بولماسا ءبىرى مىندەتتى تۇردە كومەگىن تيگىزەدى»، - دەيدى پوليگلوت.
پورتۋگال ءتىلى لۋكا ءبىر ۋاقىتتا ءبىر-بىرىنە ۇقسامايتىن تىلدەر - پورتۋگال تىلىمەن قوسا قىتاي ءتىلىن دە ۇيرەنەدى. ونىڭ ايتۋىنشا، پورتۋگال ءتىلى دىبىستالۋى جاعىنان يسپان ءتىلى مەن يتاليا تىلىنە قاتتى ۇقسايدى ەكەن.
سوندىقتان بۇل ءتىلدى ۇيرەنۋ لۋكا ءۇشىن اسا كوپ قيىندىق تۋعىزباعان. ۋاقىتىڭىز بەن كۇشىڭىزدى ورىندى قولدانا بىلسەڭىز، ەكى ءتىل ۇيرەنۋ كوپ ۋاقىتتى قاجەت ەتپەيدى ەكەن. پولياك ءتىلى
لۋكا پولشاعا 2012 -جىلى ەكىنشى رەت ات باسىن بۇرادى. پولياك ءتىلىن ۇيرەنۋ كەزىندە تانىسقان تەگى پولياك ميحالدىڭ كوپ كومەگى تيگەنىن ايتادى. بۇل ءتىل دىبىستالۋى جاعىنان ورىس تىلىنە ۇقسايدى. «سلاۆيان تىلدەرىنىڭ ءبىرىن ۇيرەنىپ الساڭىز، باسقاسىن ۇيرەنۋ اسا قيىندىق تۋعىزبايدى»، - دەيدى لۋكا.
پولشاعا بارعاننان 1 جىلدان كەيىن لۋكا دوسى ميحالمەن بىرىگىپ جەرگىلىكتى تىلدە ۆيدەو- بلوگ ءتۇسىرىپ، «YouTube»- تە جاريالايدى. بۇل بەينەجازبا پولياكتىڭ ءبىر جۋرناليسىنە ۇناپ، ودان سۇقبات الادى. تاعى ءبىر جىلدان سوڭ ونى پولشاداعى تەلە- شوۋعا شاقىرادى. لۋكانىڭ ايتۋىنشا، كوپ ساياحات جاساۋ ءسىزدىڭ جاڭا ءتىلدى ۇيرەنۋگە دەگەن ىنتاڭىزدى اشا تۇسەدى.
جاپون ءتىلى
لۋكا جاپون ءتىلىن ۇيرەنە باستاعان كەزدە، ادەتتەگىدەي، ءوز- ءوزىن ءبىراز قيناعان سوڭ، تاجىريبەنىڭ ارقاسىندا تەز- اق ۇيرەنىپ كەتەمىن دەپ ەسەپتەگەن. ءبىراق ناتيجە كۇتىلگەننەن گورى قيىن بولدى.
ول ءتىپتى قاراپايىم سويلەمدەردى قۇراستىرا المايدى، ويتكەنى جاپون ءتىلىنىڭ قۇرىلىمى تولىعىمەن بۇرىن ۇيرەنگەن تىلدەرىنەن ەرەكشە بولىپ شىعادى. العاشىندا بۇل قالىپتى تاجىريبە ارقىلى شەشىلەتىن ۋاقىتشا ماسەلە دەپ ۇمىتتەندى.
ءبىراق ولاي بولماي شىعادى. لۋكا جاپون ءتىلىن ءالى دە سىناقتان وتكىزىپ جاتىر، ءبىراق بۇل ماسەلەنى شەشە الاتىنىنا سەنىمدى.
شەت تىلدەرىندە سويلەۋ - بۇل اقىل- وي مەن قابىلەتتىڭ ەمەس، بالكىم، ەڭبەك پەن ءتارتىپتىڭ ناتيجەسى دەپ ەسەپتەيدى ريم تۇرعىنى.
«بۇل ادام تابيعاتىنىڭ تاڭعاجايىپ ارتۇرلىلىگىن انىقتاۋعا جانە جەكە باستىڭ كوپتەگەن اسپەكتىلەرىن زەرتتەۋگە كومەكتەسەتىن ءوز وزىنە جانە باسقا ادامدارعا دەگەن سۇيىسپەنشىلىك پەن قۇرمەت. وزگە ءتىل تەك دىبىستار مەن سوزدەردەن تۇرمايدى، باسقا ءتىل - يدەيالار ۆەكتورى. بۇل - يدەيالاردى باسقا ادامدارعا جەتكىزۋ قۇرالى، ۇلت مادەنيەتىن جانە ونىڭ ءدىلىن اشۋ ءتاسىلى»، - دەيدى.
Massaget.kz
