ءسابي ءۇش ايلىعىندا سويلەپ، الەمدىك رەكورد ورناتتى
توممي-فرانكقا قازىر ءۇش تولدى جانە ول ەرەكشە قابىلەتتەرگە يە. ول تۋعانىنا توعىز اپتا بولعاندا العاش رەت سويلەپ، ءبىر ءسوز ەمەس، تۇتاس سويلەمدى ايتىپ بۇكىل الەمدى تاڭعالدىردى.
تاڭعاجايىپ ءسابيدىڭ ەرەكشەلىكتەرى تۋرالى The Sun حابارلادى.
«مەنىڭ بالامنىڭ العاشقى ءسوزى «مەن سەنى جاقسى كورەمىن» بولدى. العاشىندا مەن اقىلىمنان الجىراستىم دەپ ويلادىم، ءبىراق مەن ونىڭ سويلەگەنىن تاعى ءبىر رەت ەستىدىم. توممي بۇل سويلەمدى ەسىنە ساقتاپ قالىپتى. ال، باسقالارى مەنىڭ سوزىمە سەنۋ ءۇشىن، ونىڭ سويلەگەنىن ۆيدەوعا ءتۇسىرىپ الدىم»، - دەيدى اناسى.
The Sun مالىمدەگەندەي، بالا شىنىمەن دە ۇلكەن اپكەسىنىڭ ايتقان سوزدەرىن قايتالاي الادى. سارا ءتومميدىڭ ناعىز دانىشپان بالا بولىپ وسەتىنىنە سەنەدى. ول ءتىپتى، 9-ايلىعىندا ءتىل قاتىپ، ەرتە سويلەگەن بالا رەتىندە الەمدىك رەكورد ورناتتى.
«مەن بۇل جەتىستىكتىڭ الەمدىك رەكوردتار كىتابىندا رەسمي تۇردە تىركەلمەيتىنىن بىلەمىن. ءبىراق، مەنىڭ ۇلىمنىڭ بولاشاعى ءالى الدا»، - دەيدى سارا مارشالل.
