بۋرابايدا ەر ادام جارتاستان قۇلاپ كەتتى

كوكشەتاۋ. قازاقپارات - 25 -شىلدە كۇنى ساعات 11.28-دە ءبىرىڭعاي «112» كەزەكشىلىك- ديسپەتچەرلىك قىزمەتىنە بۋراباي اۋدانىنىڭ ابىلاي حان الاڭى ماڭىندا ەر ادامنىڭ جاراقات العانى جونىندە حابار كەلىپ تۇسكەن، دەپ حابارلايدى قازاقپارات اقمولا وبلىستىق توتەنشە جاعدايلار دەپارتامەنتىنە سىلتەمە جاساپ.

ساعات 11.29-دا وقيعا ورنىنا 103 جەدەل جاردەم قىزمەتى، بۋراباي اۋدانىنىڭ №7 -قۇتقارۋ بولىمشەسى جانە ت ج د- عا قاراستى 20-ءورت ءسوندىرۋ ءبولىمىنىڭ قىزمەتكەرلەرى كەلىپ جەتكەن.

11.45-تە ت. ەسىمدى ازامات تاۋدا سەرۋەندەپ ءجۇرىپ، جارتاستان قۇلاپ جاراقات العان.

قۇتقارۋشىلار زارداپ شەككەن ازاماتقا العاشقى مەديتسينالىق كومەك كورسەتتى. كەيىن ناۋقاستى كوتەرىپ تاۋدىڭ ەتەگىنە ءتۇسىرىپ، اۋرۋحاناعا جەتكىزۋگە ىڭعايلى اۋماققا جەتكىزدى.

زارداپ شەككەن ازامات جەدەل جاردەم قىزمەتكەرلەرىنە تاپسىرىلدى. قازىر ونىڭ جاعدايى ءبىرقالىپتى دەپ باعالانۋدا.