17:00, 25 - شىلدە 2018 | GMT +5
تۇيەگە پلاستيكالىق وتا جاساۋعا تىيىم سالدى
استانا. قازاقپارات - ساۋد ارابياسىنىڭ ەكولوگيا، اۋىل شارۋاشىلىعى جانە سۋ رەسۋرسى مينيسترلىگى جانۋارلاردىڭ قۇقىعىن قورعاۋعا ارنالعان قاۋلى قابىلدادى.
ەندىگى جەردە قولدانىسقا ەنگىزىلگەن جاڭا ەرەجە بويىنشا، ەن سالۋ ءۇشىن جانۋاردىڭ قۇلاعىن تىلۋگە نەمەسە قۇيرىعىن كەسىپ تاستاۋعا، تۇياعىن نەمەسە ءمۇيىزىن قاعۋعا، يتتەردى ۇرمەسى ءۇشىن داۋىس بايلانىسىنا جاۋاپتى اعزاسىن كەسۋگە، حيميالىق جولمەن پىشتىرۋگە، ت. ب. بولمايدى.
سونداي-اق، بۇل باعىتتاعى زاڭ تالاپتارىندا جانۋاردىڭ تەرىسى مەن ءجۇنىن بوياۋعا، پلاستيكالىق وتا جاساۋعا (ەستەرىڭىزدە بولسا، اراب ەلدەرىندە تۇيە جارىسى، تۇيە سىمباتىنا قاتىستى بايقاۋلار وتكىزىلىپ تۇراتىندىقتان ولارعا بوتوكس جاساتۋ، ت. ب. تىيىم سالعانى تۋراسىندا كەزىندە حاباردار ەتكەنبىز - رەد. )، جانۋارلاردىڭ تەز ءوسۋى ءۇشىن ءدارى-دارمەك بەرۋگە تىيىم سالۋ قاراستىرىلعان. بۇل ەرەجەنى ەلەمەگەندەر اكىمشىلىك جاۋاپكەرشىلىككە تارتىلىپ، جازالاناتىن بولادى.
islam.kz
