قىتايدا ۇيلەنۋ تويى كەزىندە ەدەن وپىرىلىپ، قوناقتار جەردىڭ ورتاسىنا ءتۇسىپ كەتتى

 استانا. قازاقپارات - بۇل تۋرالى Daily Mail حابارلادى، دەپ جازادى Stan.kz اقپاراتتىق اگەنتتىگى.

وقيعا قىتايدىڭ حەبەي پروۆينتسياسىنىڭ شيتسزياچجۋا قالاسىنداعى ەڭ ءساندى قوناق ۇيلەردىڭ بىرىندە ورىن الدى.

مەرەكەلىك ءىس-شارا كەزىندە التى ادامعا ارنالعان ۇستەلدەردىڭ ءبىرى تۇرعان ەدەن وپىرىلىپ، ونداعى وتىرعان قوناقتار جەردىڭ استىنا قۇلاپ كەتتى. اڭ-تاڭ بولعان جاس جۇبايلاردىڭ تۋىستارى مەن دوستارى جەر استىنا ءتۇسىپ كەتكەن توي قوناقتارىنا كومەك كورسەتتى. وقيعانىڭ سالدارىنان ءۇش ادام مەديتسينالىق كومەككە جۇگىندى.

قاداعالاۋ ورگاندارى الدىن-الا تەرگەۋ جۇرگىزۋ بارىسىندا وقيعانىڭ قۇبىردان اققان سۋدىڭ سالدارىنان بولعانىن انىقتادى.

تامشىلاپ اققان سۋدان جەر ابدەن جۇمسارىپ، وتىرا باستاعان. ال، تىم جۇقا ەدەن ۇستەلدىڭ جانە قوناقتاردىڭ سالماعىن كوتەرە الماي، وپىرىلىپ كەتكەن.