بيىل ساتىپ الىنعان ەڭ قىمبات قىزمەتتىك كولىكتىڭ باعاسى جاريالاندى

استانا. قازاقپارات - قازاقستاننىڭ اۆتوكولىك كاسىپورىندارىنىڭ وداعى جىل باسىنان بەرى ساتىپ الىنعان ەڭ قىمبات قىزمەتتىك كولىكتىڭ باعاسىن جاريالادى، دەپ حابارلايدى قازاقپارات ءتىلشىسى.

«سوڭعى التى ايدا بولعان تەندەرلەردى الىپ قاراساق، ەڭ قىمبات كولىك ول - تويوتا لەند كرۋزەر 200. ونىڭ ەكى داناسىن ق ر ينۆەستيتسيالار جانە دامۋ ميريسترلىگىنە قاراستى «قازاق اۆتوجول» ر م ك- سى ساتىپ الدى. اربىرەۋىنىڭ باعاسى 27 ميلليون تەڭگەدەن جوعارى بولىپ تۇر. التى ايدىڭ قورىتىندىسى بويىنشا بۇل - ەڭ قىمبات قىزمەتتىك كولىكتەر. نەگىزى، ودان دا قىمبات كولىكتەر بار عوي. مىسالى، مەرسەدەس س- كلاسس. بىلتىر مەملەكەتتىك ورگاندار اتالعان كولىكتەردى ساتىپ العان بولاتىن. باعاسى دا از بولعان جوق»، - دەدى و. الفەروۆ استانادا وتكەن باسپا ءسوز ءماسليحاتىندا.

ونىڭ ايتۋىنشا، بۇگىندە مەملەكەتتىك ورگاندار وتاندىق كولىكتەردى كوپتەپ الا باستادى. «استانادا اتالعان وزگەرىس قاتتى بايقالمايتىن شىعار. دەگەنمەن، ايماقتاردا تەندەر كەزىندە وتاندىق كولىكتەردى كوپتەپ الادى. ونى بىردەن بايقاۋعا بولادى. ال اۋىلدا تازا ءوزىمىزدىڭ كولىكتەر جۇرەدى»، - دەپ اتاپ كورسەتتى و. الفەروۆ.

ايتا كەتەيىك، بۇگىنگى باسپا ءسوز ءماسليحاتىندا وداق باسشىسى مەملەكەتتىك ورگانداردىڭ شەتەلدىك كولىكتەردى ساتىپ الۋعا قاتىستى ناقتى ستاتيستيكانى جاريالادى. وعان سايكەس، وتكەن جىلى ءبىرىنشى جارتىجىلدىقتا 375 شەتەلدىك كولىك ساتىپ الىنعان بولاتىن. سونىڭ بارىنە 4 ميلليارد تەڭگە جۇمسالدى. بيىل التى ايدا مەملەكەتتىك ورگاندارعا تەك 92 كولىك قانا شەتەلدەن جەتكىزىلدى. وعان 677 ميلليون تەڭگە كەتتى.