گولليۆۋدتا جۇلدەگەر بولعان دومبىراشى ەستايدىڭ ۇرپاعى بولىپ شىقتى
الەمدىك شوۋ-بيزنەستىڭ استاناسى لوس-اندجەلەستە وسىمەن 22 رەت ۇيىمداستىرىلعان وليمپيادادا 72 مەملەكەتتىڭ وكىلدەرى باق سىناسقان بولاتىن. قازاقستان اتالعان جارىسقا العاش رەت قاتىسىپ، التىن مەدالدى ولجالادى. بايقاۋ جۇلدەگەرى اتانعان «باستاۋ» دۋەتىنىڭ قۇرامىندا ەكى جىگىت بار - ەرنات ناۋرىز جانە تەمىرلان ولجاباي. جۋرناليست، ەستايدىڭ شوبەرەسى فارحات امىرەنوۆتىڭ ايتۋىنشا، تەمىرلان - پاۆلودارلىق اقىن، ءانشى، كومپوزيتور، اتاقتى «قورلان» ءانىنىڭ اۆتورى ەستاي بەركىمباي ۇلىنىڭ ۇرپاعى.
«مەنىڭ اتام قىزداربەك امىرەنوۆ - ەستايدىڭ ءىنىسى، - دەيدى جۋرناليست. - تەمىرلان - قىزداربەك اتا مەن تانكەش اجەنىڭ ۇلكەن قىزىنىڭ نەمەرەسى. تەمىرلاننىڭ اتاسىنىڭ اتى - ولجاباي ارال. ول - ەكىباستۇز اۋدانىنىڭ ەڭ ءبىرىنشى اكىمى بولعان».
22 جاستاعى تەمىرلاننىڭ اناسى ارماننىڭ ايتۋىنشا، ول دومبىرا تارتۋدى 5 جاسىنان باستاپ قولعا العان. قازىر تالانتتى جىگىت استانا قالاسىنداعى قازاق ۇلتتىق ونەر ۋنيۆەرسيتەتىنىڭ 3-كۋرسىندا وقيدى.
ايتا كەتۋ كەرەك، بيىل پاۆلوداردا اقىن، ءانشى-كومپوزيتور، قازاقستان كومپوزيتورلار وداعىنىڭ العاشقى مۇشەلەرىنىڭ ءبىرى، ەڭبەگى سىڭگەن ونەر قايراتكەرى ەستاي بەركىمباي ۇلىنىڭ 150 جىلدىعى اتالىپ ءوتتى.
