قازاقستاندا نەگىزگى كاپيتالعا سالىنعان ينۆەستيتسيالار وسۋدە

استانا. قازاقپارات - قازاقستاندا نەگىزگى كاپيتالعا سالىنعان ينۆەستيتسيالار وسۋدە، دەپ حابارلايدى قازاقپارات ق ر ۇلتتىق ەكونوميكا مينيسترلىگىنىڭ ستاتيستيكا كوميتەتىنە سىلتەمە جاساپ.

كوميتەتتىڭ مالىمەتىنشە، 2017-جىلى ەلىمىزدىڭ ەكونوميكاسىنا 8 770,6 ميلليارد تەڭگە قاراجات جۇمسالعان، بۇل 2016-جىلعى دەڭگەيدەن %5,8 عا كوپ.

سونداي-اق، 2017-جىلى ماشينالار، جابدىقتار، كولىك قۇرالدار، سايمانداردى الۋعا جانە ولاردىڭ كۇردەلى جوندەۋىنە 2694,6 ميلليارد تەڭگە باعىتتالعان، بۇل 2016-جىلمەن سالىستىرعاندا %16,3 عا جوعارى.

«ينۆەستيتسيالاۋ ءۇشىن باسىم سالالار كەن ءوندىرۋ ونەركاسىبى جانە كارەرلەردى قازۋ (%33,8)، كولىك جانە قويمالاۋ (%14,4)، جىلجىمايتىن مۇلىكپەن جاسالاتىن وپەراتسيالار (%12,9) جانە وڭدەۋ ونەركاسىبى (%10,9) بولىپ تابىلادى»، - دەلىنگەن حابارلامادا.