استانا مەن الماتى تۋريستەر ساپارلايتىن ت م د- نىڭ ۇزدىك قالالارى وندىعىنا كىردى

استانا. قازاقپارات - تۋرستات ساراپتامالىق اگەنتتىگى تۋريستەردىڭ جازعى ساياحاتتاۋىنا لايىقتى ۇزدىك قالالار رەيتينگىن جاساقتادى، دەپ حابارالايدى قازاقپارات تۋرستاتقا سىلتەمە جاساپ.

رەيتينگ 2018-جىلدىڭ جازعى ماۋسىمىنداعى تۋريستىك ساپاردىڭ تانىمالدىلىعى بويىنشا ساراپتاما ناتيجەسى بويىنشا ۇسىنىلعان. باكۋ، مينسك جانە الماتى ت م د ەلدەرى قالالارى بويىنشا رەيتينگتىڭ كوش باسىندا كەلەدى.

تۋريستەردىڭ بيىلعى جازعى ماۋسىمداعى ت م د توپ-10 قالاسىن ازەربايجاندا - باكۋ، بەلارۋستا-مينسك، قازاقستاندا - الماتى، ارمەنيادا - ەريەۆان، قازاقستاندا - استانا، قىرعىزستاندا - بىشكەك، وزبەكستاندا - تاشكەنت، مولدوۆادا - كيشينيەۆ، تاجىكستاندا - دۋشانبە جانە تۇرىكمەنستاندا اشحاباد قۇراپ وتىر.

تۋرستاتتىڭ دەرەكتەرى بويىنشا، تۋريستەر جازدا ت م د قالالارىندا شامامەن ەكى كۇندەي بولادى. اتاپ ايتقاندا، باكۋدە - كاسپي تەڭىزى جاعاسىنداعى شيپاجايلاردا، بەلارۋستا - ناروچ كولىندە، قازاقستاندا - تاۋداعى شىمبۇلاق، سونداي-اق بۋراباي شيپاجايلارىندا، قىرعىزستاندا ىستىقكولدە دەمالادى.