شىعىس قازاقستان وبلىسىنداعى اتوم كولى دەمالۋشىلارعا قاۋىپتى

استانا. قازاقپارات - قازاقستاندىق ۇلتتىق يادرولىق ورتالىقتىڭ عالىمدارى اتوم كولىنىڭ دەمالۋشىلارعا قاۋىپتى ەكەنىن ايتىپ دابىل قاعىپ وتىر. سۋ قويماسى بۇرىنعى سەمەي پوليگونىنىڭ اۋماعىندا ورنالاسقان.

  بۇل - تەرمويادورلىق جارىلىستىڭ ناتيجەسىندە پايدا بولعان رادياتسيالىق قاۋىپتى نىسان. وسىعان قاراماستان كول جاعاسىنا بالالارىمەن كەلىپ دەمالاتىندار كوپ. مامانداردىڭ ايتۋىنشا، سۋ قويماسىندا ۋاقىت وتكىزۋ وتە قاۋىپتى. ويتكەنى دەمالىس بارىسىندا ادام اعزاسىنا توپىراق قۇرامىنداعى راديونۋكليدتەر ەنىپ، زياندى ساۋلە زيان كەلتىرۋى مۇمكىن.

 اندرەي پانيتسكي، ق ر  ۇ ي ا و رادياتسيالىق قاۋىپسىزدىك پەن ەكولوگيا ينستيتۋتىنىڭ ءبولىم باسشىسى:

 - سوڭعى ءىسساپار بارىسىندا ءبىز دەمالۋشىلارعا اتوم كولىندە ۋاقىت وتكىزۋدىڭ قانشالىقتى قاۋىپتى ەكەنىن تۇسىندىردىك. وكىنىشكە قاراي، ادامدار تۇسىنبەيدى نەمەسە بۇل جاعدايعا اسا ءمان بەرە قويمايدى. كولدە رادياتسيالىق فوننىڭ كورسەتكىشى جوعارى، دەگەنمەن بۇل نەگىزگى ءقاۋىپ ەمەس. نەگىزگى قاۋىپ بۇل - راديونۋكليدتەردىڭ اۋا ارقىلى اعزاعا ەنۋى نەمەسە بايقاۋسىزدا راديونۋكليد بولشەكتەرى بار توپىراقتى سۋمەن جۇتۋ.

www.24.kz