ءولىم جازاسى قايتا ەنگىزىلەدى

استانا. قازاقپارات - شري-لانكا پرەزيدەنتى مايتريپالا سيريسەنا ەلدەگى قارسىلىق پەن نارازىلىققا قاراماستان ءولىم جازاسى قايتا ەنگىزىلەتىنىن مالىمدەدى.

البەتتە، حالىقارالىق قۇقىق قورعاۋ ۇيىمدارى مەن ەۋروپالىق وداق شري-لانكا بيلىگىنىڭ بۇل قادامىن ايىپتىپ، سىنعا الىپ وتىر.

بىردەن ايتا كەتۋ كەرەك، اتالعان ەلدە ەڭ اۋىر جازاعا 40 جىل بويى موراتوري جاريالانىپ كەلگەن بولاتىن. اتالعان ەل بيلىگى مۇنداي قاتال شاراعا ەل اۋماعىنداعى ەسىرتكى ساۋداسىنىڭ قارقىن الىپ كەتۋىنە بايلانىستى بارعالى وتىر.

شري-لانكا پرەزيدەنتى مينيسترلەر كابينەتىنە ءتيىستى تاپسىرمالار بەرىپ، ادىلەت مينيسترلىگىنە قاجەتتى شارالاردى قولعا الۋدا تاپسىردى. شري-لانكا سوتى كىسى ءولىمى، زورلاۋ، ەسىرتكى ساۋداسى سەكىلدى اۋىر قىلمىس جاساعانداردى ءولىم جازاسىنا كەسكەنىمەن بۇل ۇكىمدەردىڭ بىردە- بىرەۋى 1976 -جىلدان بەرى جۇزەگەم اسىرىلعان ەمەس.

 

islam.kz