دارىگەر فونتاندا شومىلۋدىڭ قاۋپىن ايتتى
الماتى قالاسىنىڭ مەديتسينالىق مەكەمەلەرىنىڭ ءبىرىنىڭ ينفەكسيا مەن پارازيتولگيا ءبولىمىنىڭ دارىگەرى ساليما تاگاي قىزى Kaz.tengrinews.kz تىلشىسىنە سۋ بۇرقاعىندا شومىلۋ قانشالىقتى قاۋىپتى ەكەنىن ايتىپ بەردى.
«ەڭ كوپ باكتەريالار مەن ۆيرۋستار قالا فونتاندارىندا. ادامنىڭ اعزاسىنا ەڭ قاۋىپتى ميكروورگانيزمدەر سول جەردە جينالعان. فونتاندا جينالعان ەڭ قاۋىپتى ۆيرۋستاردىڭ ءبىرى ول روتاۆيرۋس جانە ەنتەروۆيرۋس ينفەكسيالارى. فونتانعا شومىلا سالىپ، ىشەك ينفەكسياسى مەن گەپاتيت ا، ە-نى جۇقتىرىپ الساڭىز تاڭعالماڭىز»، - دەپ مالىمدەدى الماتىلىق دارىگەر ساليما تاگاي قىزى.
وعان قوسا، دارىگەر بۇرقاقتا اعىن سۋ بولماعاندىقتان شومىلۋ وتە قاۋىپتى ەكەنىن اتاپ ءوتتى. اسىرەسە ۇل بالالار جانۋارالار قالدىرىپ كەتكەن گەلمينيتتى، ياعني جۇقپالى ينفەكسياسىن جۇمىرتقالارىنا جۇقتىرىپ الاتىنىن ايتتى. دارىگەردىڭ ايتۋىنشا، ىشەك ينفەكسيالارى، پوليوميەليت، گەپاتيت ا، ە ادەنوۆيرۋس پەن ەنتەروۆيرۋس اۋرۋلارى سۋ بۇرقاعىندا قاپتاپ جۇرەدى.
«ىستىقتان قاشامىن دەپ، اۋرۋدى ءاپ-ساتتە جۇقتىرىپ الاتىندارىڭىزدى ۇمىتپاڭىزدار. فونتاندا شومىلۋ ۆيرۋستى عانا ەمەس، بالالار تايىپ قۇلاپ ءتۇسىپ، سۋ اعىزاتىن قۇبىرلارعا باسىن سوعىپ العان جاعدايلار دا كەزدەستى. ارنايى شومىلاتىن باسسەيندەرگە بەكەردەن حلوردى قوسپايدى. ولار باكتەريالاردى ءولتىرۋ ءۇشىن سالىناتىن قوسىندى، سوندىقتان تىيىم سالىنعان جەرلەردە شومىلماعان ابزال. اسكاريدا، ىشەك قۇرتى، ليامبليوز، اتاي بەرسەڭ بۇل تىزىمدە بىتپەيدى. جانۋرالار، قۇستار وزدەرىنىڭ سىلەكەي باكتەريالارى قالدىرىپ كەتەتىن گەلمينيتتى ۆيرۋستارى ۇل بالالارعا وتە قاۋىپتى. سەبەبى ول باكتەريالار ۇل بالالاردىڭ جۇمىرتقاسىنا، ياعني دەنەنىڭ اشىق جەرلەرىنە جۇقتىرادى»، - دەپ قوستى ينفەكسيا دارىگەرى.
«وعان قوسا، قالادا تازالىق ءىس-شاراسىن تۇراقتى ءتىپتى، ءجيى جاساپ تۇرۋ قاجەت. قۇرمەتتى اتا-انالار! بالالارىڭىزدى ىستىقتان قورعايمىن دەپ، اۋىقپايتىن اۋرۋعا شالدىرىپ الماڭىزدار. بالاڭىزدى قاراۋسىز قالدىرماۋىڭىزدى، رۇقسات ەتىلمەگەن جەردە شومىلماۋ كەرەكتىگىن ەسىنە سالىپ تۇرىڭىزدار. بالا عوي نەنىڭ دۇرىس، نەنىڭ بۇرىس ەكەنىن بىلمەيدى»، - دەپ ەسكەرتتى دارىگەر.
