گولوۆكين دەنيس تەنمەن قوشتاسۋ راسىمىندە نەگە ءسوز سويلەمەدى؟
مۇنىڭ الدىندا لەففلەر جاتتىعۋ لاگەرىن توقتاتا تۇرۋ سەبەبى رەتىندە گولوۆكيننىڭ كوماندالاسى قاتىساتىن بوكس كەشىنە قاتىسۋمەن عانا تۇسىندىرگەن ەدى. GGG-دىڭ قازاقستاننان ا ق ش- قا رەيسى ماسكەۋدە ايالدادى. سپورتشى وسى جاعدايدى پايدالانىپ، بۇكىل الەمدىك بوكس سۋپەرسەرياسى (WBSS) فينالىنداعى الەكساندر ۋسيكپەن جەكپە-جەككە شىققان مۋرات گاسسيەۆتى قولداۋعا بارعان.
گولوۆكين دۇيسەنبىدەن باستاپ Big Bear لاگەرىندەگى جاتتىعۋلارىنا كىرىسىپ كەتتى. «گەننادي دەنيس تەننىڭ قازاسىن ەستي سالا العاشقى رەيسپەن لوس-اندجەلەستەن الماتىعا ۇشىپ كەتتى. ول سەنبى تاڭعىسىن ۇشاقتان ءتۇسىپ، دەنيسپەن قوشتاسىپ، اتا-اناسىن قولداۋ ءۇشىن سول ۇيگە باردى. وسى ۋاقىت بويى سولاردىڭ قاسىندا بولدى، باسقا ەشكىممەن تىلدەسكەن جوق. كوپشىلىك «قوشتاسۋ كەزىندە نەگە ءسوز المادى؟» دەپ سۇراعان بولاتىن.
ول كوپشىلىك الدىندا ءسوز سويلەۋگە ەمەس، دەنيستىڭ اتا-اناسىن قولداۋعا كەلگەن. وسىنداي ماڭىزدى جەكپە-جەك الدىندا جاتتىعۋىن دا سول ءۇشىن عانا ءۇزدى. ول دەنيستى ادام رەتىندە جانە سپورتشى رەتىندە دە قاتتى سىيلايتىن. بۇل راسىمەن بارلىعىمىز ءۇشىن اۋىر قازا»، - دەيدى گولوۆكيننىڭ وكىلى جانار وتەشوۆا.
وسىعان دەيىن كاسىپقوي بوكستان الەم چەمپيونى گەننادي گولوۆكين (38-0-1، 33 ك و) جاتتىعۋ لاگەرىن ۇزۋىنە تۋرا كەلۋىنە بايلانىستى ءوز كومانداسىمەن بىرگە لوس-اندجەلەسكە قايتىپ ورالعانى حابارلانعان ەدى. 21 -شىلدەدە گولوۆكين قازاقستاندىق مانەرلەپ سىرعاناۋشى دەنيس تەندى اقتىق ساپارعا شىعارىپ سالۋ ءۇشىن الماتىعا كەلدى.
قازاقستاندىق بوكسشى 2014 -جىلى قىسقى وليمپيادا ويىندارىنىڭ قولا جۇلدەگەرىنىڭ قازاسىن ەستىگەندە مەكسيكالىق ساۋل «كانەلو» الۆارەسپەن ەكىنشى جەكپە-جەك وتكىزۋ ءۇشىن جاتتىعۋ لاگەرىن ءۇزدى. جەرلەۋ راسىمىنەن كەيىن گولوۆكين ماسكەۋگە بارىپ، بۇكىل الەمدىك بوكس سۋپەرسەرياسىنىڭ (WBSS) فينالىن تاماشالادى. گولوۆكين مەن الۆارەس اراسىنداعى ەكىنشى جەكپە-جەك 15 -قىركۇيەكتە نيەۆادا شتاتىنىڭ لاس-ۆەگاس قالاسىنداعى T- Mobile ارەناسىندا وتەدى.
ايتا كەتەيىك، ءبىر جىل بۇرىن قوس بوكسشى وسى ارەنادا كەزدەسىپ، كىل مىقتىنى انىقتاي الماعان ەدى.
