17:50, 24 - شىلدە 2018 | GMT +5
ماماندار تەردىڭ يىسىنەن قالاي ارىلۋعا بولاتىنىن ايتتى
استانا. قازاقپارات - بريتانيالىق ماماندار تەردىڭ يىسىمەن بارىنشا ءتيىمدى كۇرەسەتىن دەزودورانت ويلاپ تاپتى.
بۇل قۇرال ءيىستىڭ تارالۋىنا جاۋاپ بەرەتىن اقۋىزداردى بۇعاتتايدى.
بۇل تۋرالى Digital Trends باسىلىمى حابارلايدى.
جاڭا دەزودورانتتى يورك جانە وكسفورد ۋنيۆەرسيتەتتەرىنىڭ عالىمدارى تانىستىردى. ماماندار دەزودورانتتاردىڭ نەگىزى ماقساتى جاعىمسىز ءيىستى جاسىرۋدان گورى، ءيىستى بۇعاتتاۋ تيىمدىرەك ەكەنىن ويلاعان. وسىلايشا دەزودورانتتىڭ قۇرامىنداعا بەلسەندى زاتتار ءيىستىڭ تارالۋىنا جاۋاپ بەرەتىن كەيبىر فەرمەنتتەر مەن تاسىمالداۋشى اقۋىزداردى بەيتاراپتاندىرادى.
مامانداردىڭ ايتۋىنشا، انتيپەرسپيرانتتاردىڭ جاعىمسىز ءيىستى جاسىراتىن اسەرى ءتيىمسىز. سەبەبى ول ادام دەنەسىنىڭ ءيىسىن تەك ازداعان ۋاقىتقا عانا جاسىرىپ تۇرادى.
عالىمداردىڭ پىكىرىنشە، دەزودورانتتىڭ جاڭا ءتۇرى ءيىسسىز بولۋى مۇمكىن.
