سولتۇستىك قازاقستان ومارتاشىلارى بيىل مىڭ توننا بال جينايدى
بۇل جونىندە وبلىس اكىمى قۇمار اقساقالوۆقا ومارتاشىلار قاۋىمداستىعىنىڭ ءتوراعاسى ولەگ گاۆريلوۆ باياندادى.
«بيىل وبلىسقا جەتكىزىلگەن بال دوربالاردىڭ ارقاسىندا مىڭ توننا بال جيناي الاتىنداي شامامىز بار. وتكەن جىلى 300 توننا بال جينادىق»، - دەدى ومارتاشى.
اۋىل شارۋاشىلىعى باسقارماسىندا ۇستىمىزدەگى جىلى 30 مىڭ گەكتارعا جەمشوپتىك داقىلدار ەگىلگەنى تۋرالى ايتىلدى. ول جەرلەر ومارتا شارۋاشىلىعىن جۇرگىزۋگە جاراي بەرەدى. بار بولعانى، بال شوپتەردى وسىرەتىن اگرارلىق كەشەندەرمەن كەلىسسوز جاساۋ قاجەت.
«ءبىز بۇل ءىستى باستاعان كەزدە بال شوپتەردى ەگۋ كەرەك ەكەنىن ايتقانبىز. اۋدان اكىمدەرى اۋىلشارۋاشىلىق تاۋارلارىن وندىرۋشىلەر ەگەتىن ءشوپتىڭ كولەمىن ءبىلىپ، قاجەت كەزدە ومارتاشىلارمەن جۇمىس جاساۋى كەرەك. قىتاي مەن ب ا ءا ءبىزدىڭ بالدى ساتىپ الۋعا دايىن. سونداي- اق، لوگيستيكا جانە تاعى دا باسقا ماسەلەلەر ءوز شەشىمىن تاپتى. كەلەسى جىلى كولەمىن ۇلعايتۋ كەرەك بولادى»، - دەدى ق. اقساقالوۆ.
ومارتاشىلاردىڭ تاپ بولاتىن تاعى ءبىر قيىندىعى - بارلىق نورمالارعا ساي بولشەكتەپ، ولشەيتىن سەحتىڭ بولماۋى. و. گاۆريلوۆتىڭ ايتۋىنشا، قاۋىمداستىق بالدى ومارتاشىلاردان ساتىپ الىپ، ولشەپ، ءتۇيىپ، ەكسپورتقا شىعارا الادى. وبلىس اكىمى بۇل ماسەلەنىڭ شەشىمىن تابۋدا كومەك قولىن سوزاتىنىن جەتكىزدى.
سولتۇستىك قازاقستاندىقتاردى ومارتا شارۋاشىلىعىنا تارتۋ - اۋىل تۇرعىندارىن جۇمىسپەن قامتۋ بويىنشا اتقارىلىپ جاتقان قوسىمشا شارالاردىڭ ءبىرى. وبلىس اكىمىنىڭ ورىنباسارى اسقار ساقىپكەرەيەۆتىڭ ايتۋىنشا، ومارتا شارۋاشىلىعىمەن اينالىسۋ ءۇشىن 767 ارا ۇياسى ساتىپ الىنعان، 230-دان استام ادام وسى ىسكە جۇمىلدىرىلعان. وڭىردە ومارتاشىلار مەكتەبى جۇمىس جاسايدى. بۇگىندە 25 ادام وقۋدان ءوتتى.
وبلىس اكىمى ق. اقساقالوۆ وسىعان دەيىن ومارتا شارۋاشىلىعىن دامىتۋ ماسەلەسىن بىرنەشە مارتە كوتەرىپ، ارا ءوسىرۋدىڭ پايداسى جونىندە دە ءسوز قوزعاعان بولاتىن.
