رەسەي: «مەملەكەتكە ساتقىندىق جاساۋ» ىسىندە ەكىنشى ادام ۇستالدى

 استانا. قازاقپارات - ماسكەۋ سوتى مەملەكەتكە ساتقىندىق جاساۋ ءىسى بويىنشا ەكىنشى كۇدىكتىنى قاماۋعا الۋعا سانكسيا بەردى.

«ينتەرفاكس» اگەنتتىگى دەرەككوزىنىڭ حابارلاۋىنشا، قامالعان ادام رەسەيدىڭ عارىش-زىمىران سالاسىندا مەملەكەتكە ساتقىندىق جاساۋ ىسىندەگى ەكىنشى كۇدىكتى بولۋى مۇمكىن.

بۇعان دەيىن ب ا ق قىلمىستىق ىستە تاعى ءبىر كۇدىكتى پايدا بولعانىن حابارلاعان.

«روسكوسموس» مەملەكەتتىك كورپوراتسياسى ەكىنشى كۇدىكتى تۋرالى حابارى جوعىن مالىمدەدى.

بۇل ءىس بويىنشا بۇعان دەيىن «روسكوسموس» قىزمەتكەرى ۆيكتور كۋدرياۆتسيەۆ ۇستالىپ، قامالعان. تەرگەۋشىلەر ول ۇستالا سالا ماشينا جاساۋ ورتالىق عىلىمي-زەرتتەۋ ينستيتۋتىن (تسنيماش) جانە باسقا دا نىسانداردى تىنتكەن.